الموت ديال الحرارة.. دراسة جديدة: الصهد قتل بزاف ديال الناس فألمانيا

كشفات دراسة جديدة تنشرات نهار الجمعة أن آلاف الناس ماتو فالسنوات الأخيرة في ألمانيا بسباب الصهد.
التقديرات اللي كاينة أن 8700 واحد مات بالصهد فعام 2018، مقابل 6900 حالة ف2019 و3700 ف2020.
وعرفات ألمانيا منذ 201ّ8 موجات خايبة ديال الصهد بزاف وهادشي اللي أثر على حياة الناس وقدرتهم على التحمل، وهو نفس الجو السخون تقريبا اللي ولاو كيعيشوه عدد من الدول الأوروبية الأخرى.
وكتب باحثون من معهد روبرت كوخ ووكالة البيئة الألمانية وخدمات الطقس الألمانية فتقرير تنشر فالمجلة الطبية الألمانية "جورنال دوتشيز ارتستبلات" بللي هادي هي المرة اللولة اللي كيتم فيها تسجيل معدل وفيات كبير بشكل ملحوظ بسباب الحرارة فمدة ديال 3 سنين متابهة منذ بداية هاد الدراسات فعام 1992.