المسؤولين القضائيين اللي متورطين فالأوديو ها شكون غيحقق معهم و"گود" مزال كتنبش فالرمان المفرگع.. ها الجديد ديال ريزو نائب وكيل الملك فعين السبع

هادشي فالحقيقة اللي واقع فالقضاء فكازا هاد ليام مترابط بزاف، بحيث راحنا قدام جوج ملفات خانزين اللول هو الأوديو اللي خرج فالعيد الكبير، والثاني هو العصابة اللي طيحتها الفرقة الوطنية للشرطة القضائية فالمحكمة الابتدائية الزجرية ديال عين السبع، واللي مشدود فيها نائب وكيل الملك بتهمة تكوين عصابة إجرامية متخصصة في الارتشاء والتزوير فوثائق رسمية والخيانة الزوجية والاتجار بالبشر وفيها وحدين آخرين متابعين فحالة سراح مع اعتقال مستشار بمحكمة الاستئناف بالدار البيضاء بأن من خلال التحقيقات انو كيشد الفلوس وكيلعب فالأحكام.
فالموضوع المتعلقة بالأوديو الفضيحة كشفات مصادر "گود" ان رئاسة السلطة القضائية عينات مقرر لقاضين بمحكمة الاستئناف بمدينة كازا واحد فيهم كيرأس غرفة.
واضافت المصادر ان المقرر اللي عينو المجلس الاعلى للسلطة القضائية هو الرئيس الاول لمحكمة الاستئناف بمكناس حيت سيتم الاستماع اليهما في غضون الايام القليلة القادمة.
الأوديو لي تسركل فواتساب منسوب لمرا كتخدم مستشارة بمحكمة النقض بالرباط، دخلت في محادثات صوتية مع قضاة بغرفة الجنايات بالدارالبيضاء، يبتون في أحد الملفات المعروضة عليهم، معاتبةً إياهم على تأخر النظر في الملف المذكور، لتتفاعل النيابة العامة باستئنافية البيضاء مع ما ورد في التسجيل الصوتي، وتصدر أوامرها بفتح تحقيق فيه.
فالموضوع لاخور ديال عصابة وكيل الملك الجديد حسب مصادر "كَود" فإن رئيس المحكمة الابتدائية الزجرية بعين السبع تاهو غيتم الاستماع ليه من طرف قضاة محكمة النقض حيت عندو الامتياز القضائي.
كاينة شبهه ديال وساطة المنظفة وهي تتجيب القحاب لهاد رايس المحكمة، وعلى حساب المصادر ديال "گود" راه حتي هي كان طايح عليها، وختنا راكبة على الحديد وبعض المرات كيجيبها شيفور گاع.
مصادر ديال "كَود"، كتأكد ان التحقيقات راه بادية هادي عام على هاد الريزو اللي كيتلاعب بملفات الناس وكيساهم فالظلم بمقابل الفلوس ومخلاوش الناس بقاو يثيقو بالقضاء ولا حتى النيابة العامة وبان أن الاستقلالية ديال هاد السلط مخداماش حيث كثر الفساد ولا بالعلالي وتا حد مهضر وهاد "الفيلم" راه تشرف عليه رئاسة النيابة العامة هي المكلفة به.