متولي دخل الرجاء فأزمة جديدة

طالب محسن متولي النجم السابق ديال فريق الرجاء الرياضي بالمستحقات الديالو المالية اللي فالذمة ديال النادي، وهدد بسلك الطرق القانونية المختصة.
وكشفت مصادر مطلعة، أن الرجاء الرياضي تلقى إشعار من النجم ديالو السابق محسن متولي، كايخبرو من خلالو بالرغبة ديالو فالحصول على المستحقات ديالو المالية وفأسرع وقت.
محسن متولي واللي غادر الرجاء مع نهاية الموسم الماضي من بعد نهاية العقد ديالو مع الفريق، خير إدارة النادي بصرف المستحقات ديالو اللي كتبلغ أكثر من 400 مليون سنتيم، أو اللجوء إلى المؤسسات الرياضية اللي كاتضمنلوء الحصول على الحق ديالو سواء غرفة النزاعات ديال الجامعة أو الإتحاد الدولي لكرة القدم "الفيفا".
وبهاذ المستجد كيلقى الرجاء الرياضي نفسو مرة أخرى فالمواجهة ديال مشكل جديد ومفروض عليه يحلو فأقرب وقت، قبل ما يتطور ويولي الفريق مهدد بشي عقوبة فحقو خصوصا إلى وصل الملف للأجهزة الرياضية الدولية كالفيفا أو الطاس.