اليابان دارت كَنازة تاريخية لرئيس الوزراء الياباني السابق، شينزو آبي لي مات بعدما هجم عليه واحد من المواطنين وتيرا فيه مني كان كيدير الحملة ديالو الانتخابية. موقع Quartz الميريكاني قال أن مسؤول في الحكومة اليابانية قال ليهم أن جنازة آبي كلفات الحكومة اليابانية 12 مليون دولار. هاد الرقم هو أكبر من التكلفة ديال جنازة الملكة البريطانية إليزابيث، واخا الحكومة البريطانية ما كشفاتش على الرقم، لكن من المتوقع أن جنازة الملكة غاتكون كلفات 8.5 مليون دولار. الرقم خلق استياء في الجابون، خصوصا أن الراحل كانو عندو معارضين بزاف، منهم لي كان معارض فترة الحكم ديالو لي كانت معروفة بالفساد السياسي، ومنهم لي معارض الفخامة ديال الجنازة لي جاو ليها شخصيات وقيادات من العالم كامل.