جبران: طبقت تعليمات المدرب وماهربتش من البلانتي ضد التواركة

خرج الدولي المغربي يحيى جبران الكابيتان ديال الوداد الرياضي على الصمت ديالو بخصوص ضربة الجزاء اللي ما نفذهاش فماتش البارح ما بين الحمرا واتحاد التواركة فالبطولة واللي ضيعها المهاجم سامبو جونيو، وكان بإمكانها تعطي الرباح للحمرا.
يحيى جبران ومن بعد كثرة القيل والقال على السبب اللي خلاه ما يضربش البيلانتي فماتش الحمرا والتواركة، خرج فانستغرام وحط سطوري قال فيه: "كنت ومازل أهل للمسؤولية، لكن هناك تعليمات وقرارات كان علي احترامها".
وكيجي ميساج يحيى جبران باش يؤكد بلي ما تهربش من تنفيذ ضربة الجزاء فماتش الوداد والتواركة حيث خاف يضيعها ويأثر هاذشي على الاستدعاء ديالو للمنتخب الوطني المغربي فكأس العالم كيفما تم ترويج له فمواقع التواصل الاجتماعي من بعدما سالا الماتش، وأنه كان كيطبق تعليمات المدرب الحسين عموتة اللي قرر يمنح تنفيذ البيلانتي للسينغالي سامبو جونيور..
وخا تعطاتو تعليمات من طرف المدرب الحسين عموتة باش يخلي تنفيذ لبيلانتي لصاحبو جونيور سامبو اللي ضيعو، دافع يحيى جبران فالسطوري ديالو على المهاجم الودادي وقال بلي اهدار ضربة جزاء وارد فاللعبة.