زياش رجع للرسمية مع تشيلسي قبل ما يشارك مع المغرب فالمونديال وغادي يلعب ضد مان سيتي

غادي يكون الدولي المغربي حكيم زياش حاضر مع فرقتو تشيلسي هاذ الليلة فماتش ضد مانشيستر ستي فكاس رابطة الننكليز.
حكيم زياش اللي ما لعبش منذ مدة مع تشيلسي اليوم غادي يكون أساسي فالتشكيلة الرسمية ديال فرقة لندن ضد مانشيستر سيتي، واختار المدرب كراهام بوتر يلعب بالنجم المغربي ضد الصبليوني بيب كوارديولا.
ومن المنتظر يعلن الناخب الوطني وليد الركراكي على لاليست ديال المنتخب الوطني المغربي اللي غادي تشارك فكأس العالم فقطر، واللي غادي يكون فيها حكيم زياش مع العلم أن الطاقم التقني ديال ليكيب ناسيونال متبع مع نجم تشيلسي بروكرام تديربي خاص حيث هاذي مدة وهو ما كيلعبش مع فرقتو.