مدرب أوساسونا: عبد الصمد الزلزولي واجد باش يلعب

أكد مدرب اوساسونا جاكوبا أراستي أن الدولي المغربي عبد الصمد الزلزولي برا من الإصابة اللي كان كيعاني منها الايام اللي فاتت، واللي حرمت الفرقة منو وبلي ما غاديش يلعبو اليوم ضد فريق فيونتيس فكأس ملك الصبليون.
وكشف جاكوبا أراستي مدرب أوساسونا، فتصريح له أن عبد الصمد الزلزولي راه بخير وبرا من الإصابة اللي كانت عندو وهو واجد باش يلعب، ولكن ماشي لوجيك يلعب ماتش مهم وغادي تكون فيه المنافسة قوية فحال ماتش فكأس ملك الصبليون وهو يالاه راجع من الإصابة.
ومن المنتظر يلتحق عبد الصمد الزلزولي بالبعثة ديال المنتخب الوطني المغربي باش يمشي معها للإمارات اللي غادي تلعب فيها ليكيب ناسيونال ماتش أميكال ضد جورجيا قبل ما يشدو الطريق لقطر للمشاركة فكأس العالم 2022، وهو من بين العناصر اللي معول عليها وليد الركراكي الناخب الوطني والجمهور المغربي باش تعطي الاضافة للمنتخب فكوب ديموند.