سايس طلب من "الفيفا" ترجع هدف المغرب ضد بلجيكا للصبيري

طلب الدولي المغربي غانم سايس من الإتحاد الدولي لكرة القدم "الفيفا"، يحسب الهدف الأول ديال المنتخب الوطني المغربي على بلجيكا فالجولة الثانية من كأس العالم قطر 2022، فإسم عبد الحميد الصبيري وماشي فالإسم ديالو هو كيف ما دارت.
واختار الكابيتان ديال المنتخب الوطني المغربي غانم سايس الاحتفال بعيد ميلاد صاحبو فليكيب ناسيونال باش يأكد بلي الهدف الأول اللي ماركاه المغرب على بلجيكا هو من تسجيل عبد الحميد الصبيري وقال فسطوري فأنستغرام: "عيد ميلاد سعيد خويا عبد الحميد الصبيري، كنتمنى الفيفا تعطيك الهدف اللي ماركتيه بمناسبة 26 عام اللي درتي".
وكان عبد الحميد الصبيري ضرب كوفرة نيشان فالشبة ديال بلجيكا وتماركا الهدف الأول للمغرب، ولكن الفيفا حسابات البيت فإسم غانم سايس اللي بينات جميع اللقطات بلي ما لمسش الكرة، مع العلم أن المغرب ربح بنتيجة 2 لزيرو والهدف ثاني ماركاه زكرياء أبو خلال.