المنتخب دار 13 مليار فالجيب وعندو فرصة يربح الصبليون ويزيد الغلة

ضمنت الجامعة الملكية المغربية لكرة القدم مبلغ 13 مليون دولار، من بعدما تأهل المنتخب الوطني المغربي إلى ثمن نهائي كأس العالم قطر 2023.
وتأهل المنتخب الوطني المغربي لثمن النهائي كأس العالم قطر 2022 ، وبالتالي ضمن الحصول على مبلغ 13 مليون دولار، وهي الجائزة اللي مخصصها الإتحاد الدولي لكرة القدم الفيفا للمنتخبات اللي كتواصل للدور الثاني.
وغادي يكون عند المنتخب الوطني المغربي فرصة جديدة باش يزيد يرفع من الجائزة فحالة ربح الصبليون فثمن النهائي وتأهل ربع نهائي كأس العالم حيث الإتحاد الدولي لكرة القدم، مخصص مبلغ 17 مليون دولار للمنتخبات 8 اللي غادي تطلع لهاد الدور.
وخصصت الفيفا مبلغ 9 مليون دولار للمنتخبات اللي غادي تلعب لكروبات فكأس العالم قطر 2022، والمنتخبات اللي كتأهل لثمن النهائي كتزادها 4 المليون دولار وبالتالي كتصبح 13 مليون دولار، ثم المنتخبات اللي كتوصل لربع النهائي كترتفع عندها الجائزة لمبلغ 17 مليون دولار، وصاحب المركز الرابع عندو 25 مليون دولار، والمركز الثالث 27 مليون دولار الوصيف 30 مليون دولار والبطل اللي غادي يهز كأس العالم غادي ياخد 42 مليون دولار.