الركراكي: المغاربة وما كانوش تايقين فنجاحنا بقى غير البراني – فيديو

أكد وليد الركراكي الناخب الوطني أن بزاف ديال المتتبعين بما فيهم من الجمهور المغربي ما كانوش كيتوقعو يوصل المنتخب الوطني المغربي للمربع الذهبي فكأس العالم قطر 2022، قبل انطلاق البطولة وأن هاد الانجاز خاص المغرب والبلدان الإفريقية تخدم عليه باش يولي عندها ADN إفريقي قادر يخلينا كأفارقة نربحو كأس العالم فالمستقبل.
وتحدث وليد الركراكي فالندوة الصحافية من بعد ماتش المغرب وكرواتيا، وجاوب واحد الصحافي أجنبي اعتذر على الشك ديالو فكلام الناخب الوطني نهار قال كنحلم نربح كأس العالم وقال: "ما عندك علاش تعتذر كلشي كان شاك فنجاحنا قبل ما يبدا كأس العالم قطر 2022، وهادشي راه بالنسبة لجميع المنتخبات الافريقة وكان علينا نتجاوز صقف الطموحات واكدنا بلي هادشي راه ممكن بالرغبة والخدمة".
"هادشي اللي وصلنا له خاصنا نبنيو عليه وخاصو يكون نمودج فالمغرب وإفريقيا باش يكون عندها ADN إفريقي يقدر يخلينا نافسو ونربحو كأس العالم فالمستقبل، راه حنا وصلنا لدومي فينال وقبلنا وصلت السنغال والكاميرون وغانا وصلو لربع النهائي وخاصنا نجعو أقوى وحتى فالمغرب كاينين شي ناس ما مأمنينش بنا وبين للحميع على قادرين وماشي حيث وصلنا لهنا غادي يولي فينا الغرور بالعكس خاصنا نكملو الخدمة".