أوناحي: هدفنا المقبل فالمنتخب المغربي هو نربحو كأس إفريقيا

عبر الدولي المغربي عز الدين أوناحي على الفخر والفرحة ديالو بالإنجاز اللي حققو مع المنتخب الوطني المغربي فكأس العالم قطر 2022، بالوصول إلى نصف نهائي البطولة وأكد أن الهدف ديال ليكيب ناسيونال المقبل هو الفوز بكأس أمام إفريقيا.
وتحدث عز الدين أوناحي فحوار مع الموقع الخاص بالفريق ديالو أنجي الفرنسي وقال: "حتى حد ما كان كيتسنانا نوصلو لدومي فينال كوب ديموند، خلقنا المفاجأة فالبطولة ولكن كنت مقتنع نقدرو نمشيو بعد حيث عندنا جيل واعر وكروب زوين ومدرب مزيان بزاف واخا دوز غير 3 أشهر باش تولى التدريب ديالنا قبل ما يبدا كوب ديموند قدرنا نوصلو دومي فينال وهذا فخر لنا واخا تقلقنا حيث ما تاهلناش للفينال".
واكد عز الدين أوناحي نجم وسط تيران المنتخب الوطني المغربي: "مازال تابعنا الخدمة والهدف الجاي بالنسبة لنا هو كأس إفريقيا، خاصنا نركزو عليه حيث من بعد الطريق اللي قطعنا فكأس العالم، تعاهدنا باش نمشيو إلى النهاية فكأس إفريقيا للأمم، اليوم انتهت كأس العالم وكتبنا التاريخ ونحن سعداء".