كلوب مدرب ليفربول واقف على سفيان أمرابط وكيضغط باش يسنيو معه

كيزيد يتأكد أن فريق ليفربول الإنكليزي هو الأقرب للتعاقد مع الدولي المغربي سفيان أمرابط نجم فيورنتينا الإيطالي فالانتقالات الشتوية الحالية، وهادشي حسب ما كشفت عليه تقارير ديال مصادر مقربة من الفريق الإنكليزي.
موقع "ليفربول إيكو" المقرب بزاف من فريق ليفربول كشف فتقرير جديد صباح اليوم الاثنين، أن يوركو كلوب المدرب ديال وصيف بطل أوروبا، عينو فالنجم المغربي سفيان أمرابط وكيضغط على إدارة النادي باش تدير المجهود ديالها وتجيب سفيان أمرابط فشهر يناير الحالي، حيث عارف القيمة ديالو كلاعب وسط تيران، خصوصا من بعد المستوى اللي قدم مع المنتخب الوطني المغربي فكأس العالم والمساهمة ديالو فاحتلال المركز الرابع فالمونديال.
نفس المصدر أكد أن المدرب يوركين كلوب كيضغط على المسؤولين فليفربول حيث عارفهم ما غاديش يخسرو له خاطرو، خصوصا، أن اللعب ديال سفيان أمرابط عاجبو وباغي يحصل على الخدمات ديالو داكشي علاش كيلح عليهم وهو عارفهم غادي يوجدو لفلوس ديال الصفقة باش يرضيوه يسنيو مع اللاعب، وأنه من المنتظر يتقدموا بعرض كتبلغ القيمة ديالو تقريبا 50 مليون يورو على فيورنتينا الإيطالي مقابل النجم المغربي.