زاد أكد التونسي منذر الكبير مدرب الرجاء الرياضي أن الفريق محتاج يسني مع لاعبين جداد فالميركاتو الشتوي الجاري، وهادشي من بعد النتيجة السلبية اللي حصدها أمام أولمبيك خريبكة فالجولة 10 من منافسات البطولة الاحترافية لكرة القدم بالتعادل السلبي زيرو لزيرو، وهادشي بالتزامن مع معناة الفريق من أزمة مالية خانقة حيث الأولوية على مكان قال عزيز البدراوي رئيس النادي لرفع المنع من الانتدابات بسبب النزاعات. وقال مذر لكبير فتصريح له من بعد ماتش الرجاء وأولمبيك خريبكة: "اللاعبين عطاو كل ما عندهم على المستوى البدني واجتهدو وخلقو بزاف ديال الفرص ولكن اللي كان نقص هو تحويل الفرص إلى أهداف", وأكد مدرب الرجاء اللي فأكثر من مناسبة أكد على أن الخضرا محتاحة لاعبين جداد فالانتقالات الحالية وقال مرة أخرى: "عندنا معضلة مدة هادي فالفريق على مستوى التنشيط الهجومي وإنهاء الهجمات وراه حنا مطالبين نلقاو حلول، وكاينين بزاف ديال النقاط خاصها تحسن خلال هذا الميركاتو وخاصنا نزيدو نخدمو حيث التنشيط الهجومي كيتطلب الوقت". منذر الكبير اللي كيشوف حتى هو فحال جمهور الرجاء أن الميركاتو الحالي هو الحل لإنقاذ الفريق من المستوى والنتائج السلبية اللي كيحصد، وقال: "كاينة لجنة متابعة اللاعبين اللي ممكن يجيو يعطيو الإضافة ، وراه كيصيفطو ليا فليبروفايل وأنا غادي نختار شكون اللاعبين اللي غيعززو الفريق".
