هاشنو كال جورنال طالياني: أوناحي مغاديش يقدر يمشي ل نابولي هاذ الميركاتو وغادي يتسنا حتى الصيف

قال موقع "Corriere dello Sport" الإيطالي، بأن الدولي المغربي، عز الدين أوناحي، واللي باغياه عدد من الأندية الأوروبية، بمن فيها نابولي، غادي يبقا مع النادي ديالو حتا الصيف، بسباب الباسبور ديالو.
وأضاف الموقع ذاته، أن اللاعب اللي دار مونديال واعر، مهتم بيه بزاف نادي نابولي، وحسب المدير الرياضي لنابولي، كريستيانو جيونتولي، ف الانتقال ديالو مغاديش يتم ف يناير الحالي، لأن أوناحي معندوش باسبور أوروبي، وبالتالي لا يمكنه تغيير الأندية خلال العطلة الشتوية.
وحسب المصادر ذاتها، الفريق الإيطالي يقدر يحسم الصفقة هاذ الميركاتو مع نادي أنجيه ف مقابل 20 – 25 مليون يورو، لكن نادي نابولي مغاديش يقدر يسجل اللاعب ف القائمة ديالو ف يناير الجاري، لأنه لاعب من خارج دول الاتحاد الأوروبي. وف حالة حسم الصفقة غادي يبقا أوناحي معار للنادي الأصلي ديالو حتا الصيف الجاي.