لقب مكان السنة

و حنا على مشارف نهاية الفاين و سطاش و دخول الفاين و سبعطاش، بغينا نعملو عملية التصويت من اجل اختيار … هذه السنة، و هي تختلف عن الموروث التصويتي السائد و البائد ف نفس الوقت.
بدل الاشخاص كالاوستاز الفولاني لي كيطلع ف الحيط بلا سلوم وخا حنا متأكدين بأنهو ما يقدرش يعملها بلا ما ينفخولو فيها شويا.
و كالسيد الفرتلاني للي طالق سلوگيتو علينا ربعاوعشرين ساعة على وحدا اخرا فحالها بدون كلل ملل.
و كالفريق المتكوّر ف التيران المتدهور بسبورة الترتيب.
النماذج فهدشي كثيرة والنتائج ضعيفة.
اليوم غنختارو الامكنة الاكثر تأثيراً على الساكنة المغتربة بمدينتها، سلباً او ايجاباً، اذن نبداو على بركة الله:
1: احتلال الملك العام و الخاص بالشوارع الرئيسة و الثانوية و حتى الجهوية بالمدينة.
2: سپيطار دار الضو: الداخل ليه ….د و الخارج منو ….د، و اصبح يشبه مقر سفارة كل من دولتي العرائش و طنجة الشقيقتين بالدولة القصرية.
3: شارع عشرين غوشت و باقي الشوارع لي كتعرف بارقام رنانة و اسماء وازنة : رغم انه شارع رئيسي الا انه يعد المكان الاكثر گريساجاً بواضحة النهار، و على عينك أااابن عدي.
4: لاپسين او المسبح البْلْدي: للي تعمل خصيصا باش بنادم يتبحر فيه بالصيف، الا انه ف الفاين و سطاش ابوابو ما تفتحاتش نهائيا،رغم ايام الحر الشديد للي مرت منها المدينة، يمكن الما كان قليل حيت ما صباتش الشتا فداك الصيف.
5: الرصيف المقابل لباشوية القصر: هو المكان لي عرف وقفات احتجاجية كثيرة على … بسبب …و ….، و رغم انها لا تؤتي أكلها الا انها تعرف اعادة نفس الاحتجاجات و نفس التنديدات بسباب نفس المشاكيل ديال دااااك النهار.
6: الساحة المقابلة لمفوضية الشرطة مع وقف التنفيذ: هد الساحة كتعرف توافد عدد كبير من الاشخاص تضامناً مع قضايا خارج الحدود المحلية بل حتى الوطنية، ف حين لا تجد احداً من هؤلاء بسبب المشاكل التي يتخبط فيها و تنخر مصلحته نخراً متوحشاً ف جميع الصبوحا و جميع العشيات و الليل و الله مكتينعس ف خاطرو.
ما هو المكان الاكثر … بالسنة التي نودعها او تودعنا؟؟؟