تتقمص بشرى الضوو الصحفية بيومية "الأخبار"، شخصية سيدة ثرية مضطربة نفسيا، تتصل ب"التسونامي"، أشهر شيخة في المغرب، لتعرض عليها إحياء حفلة خاصة ينظمها خليجيون في إحدى ليالي رمضان وتعرض فيها الخمور، وتحاول في هذا الاتصال أن تنتقد "التسونامي" (طريقة رقصها وغنائها وشكلها) وتعرض عليها الزواج بخليجي، قبل أن تدعوها إلى الاعتزال والتكفل بمصاريفها. وفي مايلي نص الحوار الهاتفي الذي أجرته الصحافية بشرى الضوو معَ الشيخة "تسونامي": ألو وي. التسونامي: ألو !! وي حبيبة شكون معاي؟ لالة تسونامي؟ التسونامي: وي لالة؟ شكون معاي؟ آش خبارك؟.. معاك مدام بنشقرون من كازا. التسونامي: مرحبا بلالة.. الله يحفظك وينجيك. كاين شي تسونامي في رمضان؟ التسونامي: (ضاحكة): كاااين موجود. إذن ماكاين غير الشطيح والتدرديك بحال رمضان بحال الشهور لخرى، ياك؟ التسونامي: عيطو ليا شي صحافة نيت البارح حيث كيسمعوني ماكنخدمش رمضان.. إيوا قلت ليهم عندي شي ظروف مادية داكشي علاش اضطريت باش نخدم. إيوا الله يرضي عليك هاكذاك نبغيك.. أريد منك أن تحيي حفلة خاصة في رمضان، ولكن بشرط «تنقصي شوية من الشطيح باش ماتخسريش للضيوف الصيام»؟ التسونامي: (ضاحكة): لا..لا.. آش غادي ندير ليهم؟.. أنا ما غادي ندير والو.. وزايدون أنا ماغاديش نشطح وهوما صايمين. يقدرو يبقاو يتخيلوك اليوم الموالي وتخسري ليهم صيامهم.. بغينا داكشي يكون محترم ماشي كيما موالفة؟ التسونامي: (ضاحكة): أنا دايما شطيحي محترم ألالة.. واللي ماعجبتهومش يمشيو يديرو المسمعين احسن ليهم. الحفلة التي ستحيينها ليست كباقي الحفلات، فهي حفلة خاصة سينظمها مشاهير سعوديون وخليجيون وسيحضرها بعض الملتزمين من عائلتي.. وأعدك بمقابل مادي كبير؟ التسونامي: واخا ألالة.. ماكاين حتى شي مشكل. المشكل فيك أنت.. هل ستلتزمين «ماتديري لا تسونامي لا والو» في الحفلة.. وتشطحي وتغني ليهم الخليجي؟ التسونامي: إيوا حنا كنشطحو شطيحنا راكي عارفاه.. أنا معاي مغني يؤدي أغاني خليجية. اتفقنا.. آجي علاش كيسميوك التسونامي، ياكما كاتريبي العراسات والطايح فيها كيكون أكثر من النايض؟ التسونامي: (ضاحكة): داكشي ديال الله.. كاين اللي كيحسابهم سماوني التسونامي حيث أنا غليظة.. ولكن سبب اللقب ماشي الغلظ.. أنا واحد النهار، شطحت بزاف وعرقت، وقالوا التسونامي ضرب.. ومن تما بقاو كيسميوني تسونامي. كتقولي على راسك غليظة بلا عقد.. فرحاتك؟ التسونامي: آش فيها؟ نقوليك الصراحة وماتقلقيش.. شكلك ماكيعجبنيش انت غليظة بزاف، ياك ما مريضة؟ كانعرف واحد الطبيب مزيان؟ التسونامي: لا..لا.. أنا غليظة لأن عائلتي كلها غليظة. ياكما دكالية؟ التسونامي: لا.. لا.. أنا إدريسية من مولاي إدريس زرهون. وماما مراكشية. ولكن دمك ثقيل مافيكش الضحك بحال المراكشين؟ التسونامي: (ضاحكة): لا..لا.. أنا عزيز عليا نضحك.. وكنقول النكت لولادي.. آجي أنت دابا مامزوجاش، ياك؟ التسونامي: أنا مزوجة.. علاش؟ كان عندي ليك واحد لعريس سعودي فاعل تارك؟ التسونامي: لا..لا..آختي عندي راجلي آ حبيبة ديالي. أنا في راسي أنك مطلقة؟ التسونامي: لا.. آ حبيبة ديالي تزوجت وتطلقت وعاودت تزوجت. سعودي ولا مغربي؟ التسونامي: لا..لا.. مغربي. معاك في الفرقة؟ التسونامي: باش عرفتيه معاي في الفرقة؟ لا يمكن إلا أن يكون كذلك، شكون اللي غادي يقبل على مراتو تكون شيخة؟.. أستغفر الله العظيم كنتاصل بيك وأنا غير مقتنعة أصلا بهذا الحفل.. أنا متدينة «مابغيتش ناخذ الذنوب». التسونامي: وهاذ الناس كلفوك أنت متدينة.. حشومة عليهم يهضرو معاك في هادشي؟.. آشنو سماك الله؟ مادام هدى بنشقرون. التسونامي: هدى.. الله يرضي عليك إلى ماهضري معايا بصراحة.. اسمحي ليا غادي نقول ليك واحد الكلمة أنت كتدخلي وكتخرجي في لهضرة مافهمتكش. لأنني مضطرة نتاصل بيك.. ورمضان هذا وماعنديش مع الحفلات الخاصة والسهير والشطيح والشراب.. أتكلم معك الآن وأنا غير مقتنعة، أصلا. التسونامي: إذا كان الخمر فأنا لن أعمل في هذه الحفلة.. واحد كيشرب وأنا كنغني كاندي أنا اللعنة أكثر منو.. وزايدون أنا لست وحدي مغنية في المغرب. علاش كتكذبي حتى أنت كتشربي الشراب؟ التسونامي: لا..لا.. آحبيبة. أنا عارفاك كتشربي علاش أنت كذابة؟ التسونامي: وماشي مشكل إذا كنت كنشرب ربي اللي كيشوف فيا وربي اللي غادي يعفو عليا وربي اللي غادي يحاسبني. وزعما عمرك ماغنيتي وشطحتي قدام السكايرية؟ التسونامي: في رمضان لا.. في رمضان لا.. هادشي مانقدرش نديرو، وزيدون أنا أرقص مع السكارى ولا أفسد ومن لم يعجبه فليستمع للمسمعين في رمضان. غادي يعطيوك فلوس صحيحة آ لالة.. أنت مالك؟ التسونامي: واخا يعطيوني مقابل كبير.. أنا أخاف من الله تعالى.. حتى حاجة ماكتخلعني في الدنيا من غير الله.. عرفتي آش غادي يجيك مليح.. ديري الحجاب واجلسي للأرض؟ التسونامي: إن شاء الله إذا طول ربي العمر سأحج بيت الله الحرام وسأعتزل الفن. آجي شحال تبغي وتعتازلي هاذ لحرام؟.. نقدر نعاونك.. شحال خاصك للشهر؟ التسونامي:ليست المسألة شهرية لدي مسؤولية والدي وأبنائي خاصني نقريهم. سأبحث لك عن عمل شريف تجنين منه المال؟ التسونامي: لا أملك دبلوما يؤهلني لأي عمل.. أنا خدامة على والدي وإخوتي وأولادي، باش نهزهوم. فكري مزيان.. شحال غادي يخصك، راه غير كتاخذي السخط من عند الله؟ التسونامي: دابا أنت قلتي ليا سعوديين وخليجيين ومن بعد كتقولي ليا شحال نعطيك، مافهمتش آحبيبة هضري معاي بصراحة.. أنا بغيت ليك الخير. التسونامي: هدى.. هدى.. هدى.. نعام.. التسونامي: واخا أنت ماسميتكش هدى.. خرجي ليا من رونضتك الله يرضي عليك. علاش ما سميتيش هدى؟ التسونامي: ماسميتكش هدى.. أنا متاكدة.. إحساسي..لا..لا.. ماسميتكش هدى، واش أنت صحافية؟ علاش غير الصحافيات اللي كيسولو؟ التسونامي: لا أنا صحاباتي صحافيات لكن كيخرجو ديريكت.. رد فعلها لدى اكتشافها المقلب: بصراحة تكلمت من قلبي.. حسيت بشي حاجة ماشي هي هاذيك وبديتي كتحققي معاي بحال شي صحافية وفي النهاية صدقت توقعاتي. رمضان مبارك سعيد للجميع.
