صفحة ‘البحري' : ‘الملك كان طَالْقْ المُوسيقى فالسيارة ديالو بعين الدياب'

قال “سفيان البحري” مُسير صفحة “الملك محمد السادس” على الفيسبوك، أن أحد المواطنين المغاربة المسمى “أنس” بعثَ له بصورة رفقة الملك باحدى أزقة مدينة الدارالبيضاء، مضيفاً أن “الملك توقف وأخفض صوت الموسيقى التي كانت مُشغلة داخل سيارته”.
وقال “ألبحري” في تدوينة بصفحة “محمد السادس” : في إتصال للسيد أنس بمدير صفحة الملك محمد السادس سفيان البحري أخبرنا: ” كنت غادي فعين الدياب شويا وانا نشوف سيدنا حدايا ضوبلت سيارة الحراس وجيت حداه قلت لو عاش الملك وهو يشّير ليا بيدّو وبديت نهدر معاه وهو ينقص من الموسيقى للي كان طالق فالسيارة، شوف سيدنا كيفاش كايحترم الناس..”
وقال الشاب “أنس” : “قلت لو بغيت نتصور معاك، شاف فالساعة ديالو وقال ليا مرة أخرى وانا نقولو سيدنا ماكاين ما أحسن من هاد المرة، بقيت تابعو حتى وصلنا للنفق تحت أرضي ديال شارع الزرقطوني، ملكنا مشا من لفوق و أنا دزت من النفق، قلت صافي ضاعت الصورة..”
وأفاد السيد أنس ل مدير صفحة الملك محمد السادس سفيان البحري: “زدت فالسرعة ومنين خرجت من النفق طحت ديريكت فسيارة سيدنا هو يدور شافني وبدا كايضحك وشّير بيديه قال لي آجي تبعني، دخلنا لواحد الزنقة خاوية فدرب السلطان حدا القصر الملكي وهو يوقف، أنا هبطت طاير بالفرحة، جا عندي الحارس الخاص خدا مني التيليفون وصورنا، جابها شفناها وقلت لو لا عاودها ماجاتش مزيانا صورنا عرض، عاود صورنا صورة ثانية شافها سيدنا قال ليا هادي زوينة خليها عندك.. سيدنا عطاني وقت وبقيت كانهدر معاه تقريبا شي عشرة ديال الدقايق”.