الملك يأخذ صورة مع شاب أضحكه ويمنحه 10 دقائق من وقته

نشرت صفحة الملك محمد السادس، لصاحبها سفيان البحري، قصة غريبة لشاب مغربي أضحك الملك والتقط معه صورة، تبادل معه الحديث لمدة عشر دقائق.
وقال الشاب، في اتصال مع مدير الصفحة، "كنت غادي فعين الدياب شويا وانا نشوف سيدنا حدايا ضوبلت سيارة الحراس وجيت حداه قلت لو عاش الملك وهو يشّير ليا بيدّو وبديت نهدر معاه وهو ينقص من الموسيقى للي كان طالق فالسيارة، شوف سيدنا كيفاش كايحترم الناس..".
وأضاف الشاب الذي يدعى أنس: "قلت لو بغيت نتصور معاك، شاف فالساعة ديالو وقال ليا مرة أخرى وانا نقولو سيدنا ماكاين ما أحسن من هاد المرة، بقيت تابعو حتى وصلنا للنفق تحت أرضي ديال شارع الزرقطوني، ملكنا مشا من لفوق و أنا دزت من النفق، قلت صافي ضاعت الصورة..".
"زدت فالسرعة"، يضيف أنس، "ومنين خرجت من النفق طحت ديريكت فسيارة سيدنا هو يدور شافني وبدا كايضحك .. وشّير بيديه قال لي آجي تبعني، دخلنا لواحد الزنقة خاوية فدرب السلطان حدا القصر الملكي وهو يوقف، أنا هبطت طاير بالفرحة .. جا عندي الحارس الخاص خدا مني التيليفون وصورنا، جابها شفناها وقلت لو لا عاودها ماجاتش مزيانا صورنا عرض، عاود صورنا صورة ثانية شافها سيدنا قال ليا هادي زوينة خليها عندك.. سيدنا عطاني وقت وبقيت كانهدر معاه تقريبا شي عشرة ديال الدقايق".