محمد الواحداني يكشف حقائق خطيرة عن البرلماني عبد الوهاب بلفقيه وعلاقته الحقيقية مع رجال السلطة بالإقليم

في إطار سلسلة يوميات السر التي ينشرها " محمد الوحداني " رئيس بلدية سيدي إفني سابقا على صفحته بموقع التواصل الإجتماعي " فايسبوك " ، و التي حاول من خلالها كشف تفاصيل حوالي تجربة عشرون سنة من حياته ، حيث بدأها بحلقة أولى سلط فيها الضوء على لحظة إعتقاله بمدينة أكادير سنة 2014 عندما ذهب لإجراء حوار إذاعي مباشر مع "ابراهيم بوليد" الرئيس الحالي للمجلس الإقليمي حول موضوع فيضانات 2014 ، و إقليم إفني المنكوب .
و في حلقته الثانية يسرد " الوحداني " حوار هاتفي أجرته معه الناشطة الحقوقية خديجة زيان عقب عزمه الدخول إلى مقر إذاعة Mfm ، حيث كشف حقائق مثيرة عن المستشار الإتحادي عبد الوهاب بلفقيه المعروف لدى الرأي العام بعلاقة المتوثرة دائما مع رجال السلطة ، وصرح " الوحداني " في يومياته أن رئيس بلدية كلميم طلب منه قبل أن يتوج لمقر الإذاعة أن لا يتحدث البثة عن عامل الإقليم لأنه ممثل جلالة الملك بالمنطقة و الحديث عنه بسوء أو تحميل المسؤولية لايجوز ….
نترككم مع مع مقتطف من الحلقة الثانية من "يوميات السر" :
خديجة زيان : السلام عليكم آ الرئيس ، اتصلت مرارا الغراف تاعك كالعادة مسدود !
محمد الوحداني : و عليكم السلام اللا خديجة ، كي العادة ، كنفح هاد الغراف غير باش نتكلم و نسدو . المهم ياك لاباس الوالدين ، الخوت ؟
زيان : بخير الحمد لله، قل لي غار علاش كتقلب ثاني ، اش داك لشي إ ذاعة ، واش بغيتي تمشي لحبس برجليك ؟ انا ،و ماشي غار انا بوحدي ، فاش قرينا الاعلان تاع داك الحوار مافهمنا حتى وزة ، زاعما كتقول ليهوم ها انا فين كاين ، اسيدي باز ، فكر غار فباك و ماك ووليداتك ، را مابقى فيهم جهد ثاني باش يتبعوك فلحباسات ، او حتى صحتهوم مع العمر الله يحسن العوان ، نسيتي ان باك يلاه داير العملية .... واش بعدا كتسمع ليا شفتك سكتي ...؟

الوحداني : لا ، انا معك ، غير كتكلمي ، وانا كنسمع لك و فنفس الوقت كنفكر ، اوا سمعي انت لهاد الاخبار اللي غادي نقول لك ، صاحبنا د كلميم بلفقيه اتصل ، و قال ليا مانجباد العامل في الحوار ، وفاش قلت ليه علاش مانجبدو ؟ قال لي فاش غادي نجبدو يعني بحال الى كندين الداخلية ، و بانه را ممثل د الملك ! يعني واحب التحفظ واجب ....وانا نقول ليه : السيد الرئيس ، الداخلية اللي كيمثلها هو وزير الداخلية ، العامل موظف تاع الداخلية ، و البلاد فيها واحد الملك ، و الممثل الحقيقي د الملك هو من ينفذ تعليمات د الملك ، وانا شفت الملك داخل في الغيس و الما حتى لركابيه باش يشوف اش واقع للشعب تاعو ، اما صالح الداحا الناس مالقات ماتاكل و كتنعس في العرا و هو مامسوق ، عرفت اش قال ليا ؟ بلفقيه : و لا سي محمد ، الداحا رجل مزيان انا اللي كنعرفو و تعاملت معاه من قبل ، الله يعمرها دار و ولد الناس و غادي تشوفو كي غادي يرد اقليم افني ؟
زيان : أنا بغيت غار نعرف هاد عبد الوهاب اش دخل ثاني حمارتو فهاد السوق ؟ دير انت حوار و لا دير حتى لعصيدة ؟ باااز اسيدي .
الوحداني : آه ، واش انت ماعارفا ، عبد الوهاب را جزء من الدولة ، وهو واحد من مخاطبي الدولة العميقة في ملف الصحراء