شلا معاني ... ف كلام مزروب

هو ما يڭُولو الله يجيبنا ف الصواب
نڭُول أنا الله يجيبنا ف لمكتاب
بيه نجمعو هاذ اللمة
يكون لينا شان و همة
ڭُدام لعدو.. ڭُدام لحباب،
ڭُدامذيكلميمة.. ذيك لكليمة
نزممها ف كتابي
شرڭُة ..حرڭُة ف ايامي
نخيط بيها زين لمعاني
ف ثوب ذيك الدقات الجايات .. لمتابعات
نرشمها ف كفوف العزبات
حنة.. جنة .. ما زهر مدفڭُ بين يديا
سايل ..
سايح
نعمر بيه تليس الما
ما خاسر .. احمر بلا حيا بلا حشما
غير شورو عليا نعمر كيسان حياتي
حتى يطلع فجر سكراتي.
هوما يڭُولو ذاك مشموم الورد
اللي ناض عليه الضد
عفست عليه ذيك لعروسة
الخايبة المنحوسة
أوجردتنا .. اللي فوڭُ خيمتنا
نشفت .. حواضها المغروسة.
هوما يڭُولو العين لتحت الحاجب
لفوڭُ الشارب آش شافت.. آش عافت
وذيك اليد آش صدقت وآش نفقت
باليمنى فطرة
باليسرى سيحت ميه باردة..
ڭُطرة .. ڭُطرة.
أنا خايف من ذاك الشريط اللاوي
اللي عل ڭُطيعالريوس كان عازم و ناوي
الساعة، جاه مقص الوقت
لقاه غ شريط خاوي
أنا خايف من نهار سكنت موكا ذيك لكريمة
اللي كانت ليه ... فوڭُذيكالرڭُية
ف ذيكالزنيڭُة المعكرة ببلعمان
و لمحرڭُصة بزهر الرمان
نهارنا تبدل .. وليلنا تبهدل
وجاناالغاشي..
ذاك الراشي هوس فراشي
عرا خيامي .. رومدمطامري
وهدم حُمَارِي.
هوما يڭُولو الله يڭُطع ليه الحس
نڭُول أنا الله يڭُطع ليه الجدر.. ويخليه دص
ذاك الحرف .. ذيكالنڭُاطي
اللي زوجة الورقة لمداد
ومدت شربيل العزبة للحداد
اللي سروالو ك شرجم لهوى
ك قصيدة عاڭُرة بلا معنى
ينفخ بكير جديد
عل جمرة هابية
يزندها نار حامية يشعلها و يزيد،
بمشاهب يكوي كيا
يعلم ذيك الحروف
ذيكالنڭُاطيالكاوياني .. الزايدة ما بيا
تهت بين سطورها
صاد
لام
وحا(ء)
اسمية ماعرفت فين تصد
جهدا تقاضى
جهدها تهد
أو قصدت ذيك الروضة المنسيا.
وباباه ذاك الحرف.. شرف .. هرف
عشق لالاهمولاتو لقصيدة
ما خاف يتلف .. ما خاف ينشف
لبس تشاميرو .. لبس بلغتو
وبدا يقلز لمعاني .. من تحت جلابتو