معمر القذافي قائد الثورة الشعبية حصلناه بالتيلفون

ألو فخامة الرئيس، قائد الثورة الشعبية في الجماهيرية الاشتراكية الليبية العظمى.. معاك مكتب الدرسات.. قول لينا أشنو رأيك في الثورة ديال تونس ومصر؟
بحكم إني كبير الثوريين في العالم كامل.. كانشوف بللي لازم تكون الثورة كانقصد الثورة.. وهاد الشي كلتو في الكتاب الأخضر ديالي.. لكن الثورة في تونس ومصر ماغايربحو من وراها غير صداع الراس؟!
سمعنا بأنك مامرتاحش، خصوصا وأن الثورة التونسية ناضت عن يمينك والتمرد المصري في شمالك بغينا نعرفو الوضع تاعك وسط هاد الشي أسي القذافي؟
الثورة فتونس ناضت على الثورات للي هرفو عليها الطرابلسيين.. أما في مصر فقامت على الخبز واللحمة.. لكن الشعب الليبي عايش فوق السلك.. وشبعان لحمة وطالع ليه ليسانس والكاز في راسو وأنا مرتاح.
بعض التحاليل قالت مادام أنت باقي حليف لأمريكا ما عندك مناش تخاف.. واش هاد الشي بصح، زعما واش مدعماك واشنطن؟
للي مدعمني هو البترول.. عفوا الديمقراطية شوف بن علي وخا صاحبي كان حبيب أمريكا، ومبارك فهو العين باش كاتشوف أمريكا وإسرائيل، ومع ذلك دارت ليهم الصبونة أما أنا فملكك ملك إفريقيا وطز في أمريكا !
عموما شكرا على مشاركتك الفريدة في الكاميرا الخفية المغربية
ماشي مشكل.. نيت أنا باغي ندوي.. المهم القربالة ماغاداش توقف في تونس ومصر وخوفي على بوتفليقة.. كانقول للرؤساء العرب مرحبا بيكم في الخيمة ديالي فليبيا إلى ماقبلاتكمش شي دولة ...!