الرجاء سدو عليهم فمعسكر تدريبي باش يرفعو من تركيزهم على ديربي كأس العرش

دخل الرجاء الرياضي فالمرحلة الأخيرة من الإعداد والتحضير لماتش ديربي دومي فينال كأس العرش، اللي غيلعب فيه مع الوداد الرياضي، يوم الأحد فستاد دونور مع 5 لعشية.
وقرر الألماني جوزيف زينباور مدرب الرجاء الرياضي، يدخل الفريق فمعسكر تدريبي مغلق خلال هاد اليومين اللي بقات قبل الديربي ضد الوداد الرياضي، باش يرفع من مستوى تركيز اللاعبين على المواجهة الحاسمة، ويوجدهم مزيان للمباراة.
وكيوجد الرجاء الرياضي لماتش الديربي بلاكاديمي ديال النادي فبوسكورة، وبالنسبة للفربق فالماتش الأحد الجاي ضد الوداد عندو بزاف د الحسابات، منها يعتق الموسم ديالو بالمواصلة فالتنافس على لقب كأس العرش حتى الفينال، وكذلك يدافع على الحظوظ ديالو للمشاركة فكأس الكاف الموسم الجاي.