حجي للوزير ميراوي: ايلى كان تحقيق نزيه من النيابة العامة خاصك تمشي للحبس

لحبيب حاجي رئيس جمعية الدفاع عن حقوق الانسان رد على وزارة التعليم العالي. مقلق بزاف على الوزير ميراوي عبد اللطيف. هاد الاخير كان رد على تقرير دارتو جمعية حاجي على وزارتو وانتقادو بزاف وكشف اختلالات كثيرة.
لحبيب حجي وصف٬ فتصريح ل"كود" ما قام به الوزير بالشلوك غير القانوني وغير الحقوقي وغير النزيه. واضاف "جا شي شخص مقرب من الميراوي ودار رد ف"كود" وحنا بغينا نعقبو على داك التعقيب من خلال 4 نقاط".
النقطة الاولى كيف شرحها حجي ل"كود" تتعلق بتصريح مقرب الوزير ل"كود" باش قال باللي كيرفض يوظف مقربين منو ومن حزبو وباللي كاين غياب شكل كلي لناس البام. الحقوقي قال ل"كود" باللي هاد "غير فهاد النقطة بالضبط ما عارفينش واش عائلتو اسمها الميراوي" واضاف "العائلة ديالو فيها الاصهار والاخوال وابناء الاخت... هاد النوع من اللغة ما خاصش يديرها "مقرب من لوزير. حجي وصف هاد النوع من الحجج ب"التافهة" اللي ما خاصهاش تخرج من وزير التعليم العالي والابتكار. واضاف ل"كود" حتى اللغة ماشي ديال النقاش العمومي.لغة ديال الدرب. هادا راه نقاش عمومي وجمعية حقوقية دايرة بحث فيه رصد بالمناصب وبالاسماء. واستطرد "كيفاش نراقبو باللي ما كايناش هاد النوع من العلاقة. واش اسماء الحزبيين معروفين من البام؟ ما عارفينش.
واضاف "اللي متبوت فالتقرير انو عين مستشارين من الناس ديالو. عندنا حجج فيها الاسماء تبين بان وزير التعليم العالي داير خبلة ونوض سعار ديال الزبونية والمحسوبية وعلاقة تداخل المصالح. فيها ضرب للشفافية. ضرب للنزاهة. بالعكس منين كيعين شي لجنة ما كتجيبش اللي بغى كيوقف كلشي. كيبان فالحوار ديال هاداك المقرب" يضيف حجي ل"كود" فتوضيحو للنقطة الثانية.
واضاف فهاد النقطة ان ما قاله المقرب ل"كود" باش صرح "ما عنديش عشير فالوزارة. وقتو عامر غير الخدمة والبيرو" حجة تافهة كذلك٬ واكد ان الوزير "النهار وما طال شغلو الشاغل يطارد اي شخص لا ينبطح له" بل ذهب فحوارو مع "كود" ان الوزير ميراوي "خاصو العبيد المنبطحين" وذكر بان المناصب فالجامعة كدوز بالانتخابات واللعبة الانتخابية وباللي الوزير٬ يضيف حجي٬ "كيحارب الديموقراطية بصنع لجان ولا يزكي المناصب اللي متافق عليها"
وتوضيحو ل"النقطة الثالثة" قال حجي فحوارو مع "كود" باللي "ما يمكنش ينزل اصلاح بناس ما كيحملوهش" كيف صرح مقرب من الوزير ل"كود"٬ وتساءل حجي "باش عرفتيها. هادي راها نوايا سيئة. ماشي قدح ولكن انت باش تعتابر كلشي عدو ديالك راه مشكل نفسي. كيفاش تخرج الاصلاح بناسك. راه اصلاح الحكومة ماشي ديالك. نازل على جميع المسؤولين. المهم هو ربط المسؤولية بالمحاسبة" يضيف حجي
اما فالنقطة الرابعة اللي كيثيرها حجي فحوارو مع "كود"٬ فتتعلق بما قاله مقرب من الوزير ل"كود" باش هدر على الانخراط فورش الاصلاح٬ وخاطب حجي عبر "كود": "انت المسؤول. انت كترفض كل واحد ما كينباطحش ليك. الاختلاف راه قاعدة ولكن نطبق الاصلاح ديال الدولة وملزمين ان الجميع ينخارط".
وختم حجي بعد شكر "كود" بالمطالبة بتحقيق نزيه من النيابة العامة لما جاء فتقريهم. بل ذهب الى القول باللي ايلى تفتح التحقيق "غادي يمشي للحبس" واضاف "راه ما جاوبناش باش قلنا ليه عندو صالير من فرانسا. خاصو يقول اش من خدمة كيقدم ليهم"