قرشاوي لاعبة فرنسا من أصول مغربية: الماتش أمام المغرب استثنائي.. ما كانتمناش لهم التوفيق أنا فرنسية وغندخل نربحهم

أكدت سكينة قرشاوي لاعبة المنتخب الفرنسي من أصل مغربي، أن الماتش ديالها أمام المغرب فثمن نهائي كأس العالم 2023، غيكون استثنائي وغتلعب باش تربح وتتأهل مع الدجاجات إلى ربع نهائى المونديال.
وتحدثت سكينة قرشاوي لاعبة المنتخب الفرنسي من والدين مغربيين، وقالت خلال لقاء مع الصحافة الفرنسية اليوم السبت: "كنا عارفين قبل انطلاق المسابقة أنها مواجهة محتملة تقدر توقع واليوم ولات حقيقة، أنا فرنسية من أصل مغربي، بالفرحة عليا مواجهة المغرب في دور ال16 ، غتكون مباراتي الأولى ضد المغرب، غتكون هناك مشاعر ولكن الأهم هو الرباح، داكشي علاش ما غنتمناش لهم التوفيق فهذا الماتش".
وبخصوص مواجهتها للاعبات المغربيات اللي كتعرفهم فالبطولة الفرنسية قالت قرشاوي: "أنيسة الحماري صاحبتي، دوزنا بزاف من مراحل اللعب د الفئات مع بعضنا، بالإضافة إلى أنها لاعبة مزيانة بزاف وتيكنيسيانة واعرة، هذا الشي عندو حاجات خاصة ولكن غنساو كلشي ملي نتلقاو فالماتش.. الثلاثاء الجاي غيكون يوم استثنائي ولكن خاصنا نركزو ونديرو اللي ضروري يتدار باش نجيبو التأهل".
وشددت قرشاوي: "المباراة ما غتكونش سهلة أمام المغرب، راه ما كاينة حتى مفاجأة بالتأهل ديالو للثمن، هاد اللاعبات راه قصاو ألمانيا بطريقة مثيرة، وهاد كأس العالم مجنونة، وهذا تحذير لنا، خاصنا نلعبو مباراة رائعة باش نكملو المغامرة، وراه بدينا فتحليل اللعب د المنتخب المغربي بالفيديو".