بودريقة والمكتب ديالو مازال كيفكو فأزمة الرجاء واتفقو مع بوزوق وأهولو لصرف مستحقاتهم العالقة من أيام البدراوي

كيواصل المكتب المديري للرجاء الرياضي برئاسة محمد بودريقة حل مشاكل الفريق، اللي خلاها الرئيس السابق عزيز البدراوي.
وحسب مصدر مطلع، فالمسؤولين ديال الرجاء الرياضي قدرو يلقاو حل مع الجزائري يسري بوزوق، والتوكولي روجر أهولو بخصوص المستحقات ديالهم العالقة عند الرجاء من أيام عزيز البدراوي، بعدما هددو النادي بفسخ العقد إذا ما تحصلوش عليها دابا، واتفقو الرجاء مع اللاعبين باش يعطيوهم فلوسهم من خلال بروتوكول.
من جهة اخرى مازالت ادارة الرجاء الرياضي متحاول تحل المشكلة مع المدافع جمال حركاس، واللي حتى هو هدد بفسخ العقد ديالو مع النادي اذا ما توصلش بالمستحقات ديالو خلال هذه الايام، والنادي راه متمسك به ومنفتح باش يلقى معه حل للاستمرار مع الفريق.