ضوسي السمسرة القضائية : لائحة جديدة غادي تفركع بعد العطلة القضائية

كشفات مصادر ديال " كود " ،ان الدخول القضائي غادي ايكون سخون بملفات لي غادي تكون كبيرة من بينها لائحة جديدة ديال ضوسي السمسرة القضائية بمحاكم كازا .
المصدر نفسه قال ،ان هذه الائحة الجديدة هي استمرار للفيلم ديال شبكة السمسرة والتدخل في ملفات معروضة على القضاء ولي بدا لونكيط فيه من يناير 2023 ولي غادي يطيحو فهاد الملف الخانز ريوس كبار ،وذلك بعدما باشرت عناصر الفرقة الوطنية لشرطة القضائية التابعة لجهاز الامن ابحاثها بعد ان ثبت لها ان مجموعة من الاشخاص على شكل عصابة اجرامية يحترفون الارتشاء والتوسط لدى موظفين عموميين وقضاة من اجل التلاعب في العقوبة الحبسية .
المصدر ذاته ، اكد ان هاد الائحة تنظر دخول الوكيل العام بمحكمة الاستئناف ديال كازا من العطلة القضائية باش يطالع على ظروف وحيتيات النازلة ويعطي تعليماته لعناصر الفرقة الوطنية بفتح بحث تمهيدي في هاد الموضوع للوقوف على حقيقة الامر والتحقيق مع افراد هاد الشبكة.
المصدر ديال كود اضاف ان عناصر الفرقة الوطنية اطلعت على محتوى التسجيلات الهاتفية بناءا على تعليمات النيابة العامة بكومناف ومقررات الرئيس الأول لدى محكمة الاستئناف ،بحيت تبين ان هؤلاء الاشخاص يلعبون دور الوساطة والسمسرة في الاحكام القضائية مقابل رشاوي ،حيت يجرون مكالمات هاتفية وبشكل مستمر مع موظفون في سلك القضاء.