خاص.. العائدين لأرض الوطن غادي يسمعو صوتهم لستافان دي ميستورا فاش يجي للعيون

Elouali.zaz.1987@gmail.com
أفادت مصادر خاصة "گود"، أن زيارة المبعوث الشخصي للأمين العام للأمم المتحدة لنزاع الصحراء، ستافان دي ميستورا، لكبرى حواضر الصحراء العيون، سيتخللها عقد لقاءات مع فئة العائدين لأرض الوطن.
وحسب مصادر "گود" الخاصة، فإن المبعوث الشخصي ستافان دي ميستورا، غادي يتلاقى مجموعة من العائدين لأرض الوطن للي رجعو من مخيمات تندوف إلى أرض الوطن استحابة لنداء الملك الحسن الثاني، وتخلوا عن الأطروحة الانفصالية واقتنعوا بالتصور المغربي من النزاع القائم على السيادة المغربية على الصحراء ومقترح الحكم الذاتي.
ذات المصادر أكدت ل"گود"، أن هاد الخطوة مهمة جدا في سبيل إسماع هذه الفئة لصوتها للمبعوث الشخصي وباش تقدم ليه وجهة نظرها حول النزاع والوضع في الأقاليم الجنوبية للمملكة القائم على الحرية والعيش الكريم والحقوق المحفوظة والوضع في مخيمات تندوف المبني على مصادرة الحقوق والمعاناة الإنسانية بسبب اغتناء قيادة البوليساريو من هاد المعاناة وإطالتها لأمد النزاع.
نفس المصادر أشارت أن هاد الخطوة لي سابقة فتاريخ زيارات المبعوثين الشخصيين لنزاع الصحرا ضمن فيها المغرب صوت هاد الفئة، وأكد بلي ما عندو حتى مركب نقص باش كلشي يشارك ويحاور بِحُرية المبعوث الشخصي ويحكي ليه التصور ديال حل النزاع فإطار مبادرة الحكم الذاتي لي هي ضامن لحقوق الصحراويين وعيشهم الكريم تحت الراية المغربية.
وتابعت المصادر، أن اللقاءات ستكون فرصة باش تروي هاد الفئة تجربتها فمخيمات تندوف وتجربتها بعد العودة للوطن وكيفاش كتعيش وكيفاش دمجهم المغرب فالحياة ووفر ليهم حقوقهم السياسية والاقتصادية والاجتماعية والثقافية وغيرها من الحقوق.