تصميم تهيئة أحياء الرباط.. الوكالة الحضرية: مغايكونش ترحيل ساكنة التقدم واليوسفية والنهضة والوحدة – فيديو

مور الجدل للي ناض على تصميم تهيئة بعض أحياء العاصمة الرباط، خصوصا لي فيها كثافة سكانية كبيرة بحال التقدم واليوسفية، ومخاوف من ترحيل بعض الساكنة إلى مدن مجاورة (عين عودة..تامسنا)، وضحات البارح الوكالة الحضرية بلي هادشي ممنوش.
الوكالة الحضرية وفق فيديو حصري حصلت عليه "كود" قالت بلي مغاديش يكون ترحيل للساكنة فأحياء التقدم والوحدة والنهضة واليوسفية، مضيفة: "دارو بحث فهاد المناطق ورجعو للتصاميم التهيئة الأولى ونشوفو كيفاش نديرو التعلية فالمناطق لي ممكن".
يشار بلي الأملاك العقارية لعدد من المواطنين فهاد الأحياء كانت موضوع شك واش غادي تهدم ولا لا، فظل غياب تواصل للمنتخبين وأعضاء المجلس الجماعة لي باقي شي وحدين فعطلة.
وحسب مصادر "كود" فإن هاد التصميم التهيئة خدامة عليه الولاية كثر من الجماعة، ومتبعها مصالح الولاية بدقة خصوصا أنها مرتبطة بعدة عوامل منها ما هو اجتماعي وأمني في الأحياء اللي كتعرف كثافة سكانية كبيرة.
غاتكون دورة استثنائي لجماعة الرباط غايوقع فيه التصويت على تصميم التهيئة، ممكن يكون فيه جدل وصداع خصوصا وأن "كبار" الملاك معجبهمش شي حاجات فهاد التصميم.