مشاركة فنانين مغاربة فمهرجان بالقدس نوضات الصداع. الفنان حاجي ل”كود”: هادو يهود مغاربة اللي منظمينو وهاد الشي ماشي تطبيع

خلفت دعوة وجهت للفنان المغربي مروان حاجي لإحياء حفل كبير بمسرح القدس جدلا واسعا على مواقع التواصل الاجتماعي. هاد الحفل يدخل في إطار المهرجان الدولي للعود بالقدس.
الفنان الحاجي المعروف وطنيا ودوليا بالأغاني الأندلسية والصوفية أوضح في اتصال أجرته معه “كود”، أنه مغاديش يشارك فهاد المهرجان بشكل نهائي، مشيرا إلى أنه بتاريخ 26 نونبر الجاري غادي يكون فالمغرب.
وأضاف الفنان حاجي الذي سبق أن وشحه الملك محمد السادس بوسام الكفاءة الوطنية من درجة ضابط، أنه كان توصل من طرف جهات مغربية للمشاركة في المهرجان الدولي للعود الذي سيقام في مدينة القدس ، مشيرا إلى أن هاد المهرجان معندو حتى شي انتماء معيّن.
وأوضح الفنان حاجي قائلاً: هادو يهود مغاربة اللي منظمين هاد المهرجان واللي مشاركين فيه عدة فنانين مغاربة، وقضية مشاركتي عادية مادام أنه مكاينش عند المهرجان شي توجه سياسي ومعندو حتى شي شكل من أشكال التطبيع، لكن من الناحية الإنسانية مغاديش نشارك فيه”.
وتابع المتحدث: “ميمكنش تمشي لواحد البلد اللي ماليها كيموتو وكاين صراعات وحروب، ومجاياش من الناحية الانسانية، وتعاطفا مع هاد الناس مغاديش نشارك. وانا كنبغي نهرب ديما من أجل الابتعاد حول الشكوك على موضوع التطبيع. والقضية صعيبة بزاف وخا تدرسها من ناحية التعايش الديني”.