بودريقة فك الجرة مع أكسيل مايي

قدر المكتب المديري للرجاء الرياضي برئاسة محمد بودريقة يلقى حل مع اللاعب الكابوني أكسيل مايي، باش يمشي بحالو من الفريق بأقل الخسائر بعدما دوز عام وما عطى والو للخضرا.
وحسب مصادر مطلعة، توصل محمد بودريقة رئيس الرجاء الرياضي لاتفاق مع اكسيل مايي باش يفسخ العقد ديالو مع النادي، مقابل 280 مليون سنتيم، فالوقت اللي الشرط الجزائي فيه كثر من 700 مليون.
بودريقة قدر يقنع اللاعب الكابوني باش يصبر فتسلم الفلوس ديالو، حيث 280 مليون اللي غياخذ باش يمشي بحالو، غتقسم وفق بروتوكول اتفق عليه مع النادي، وكل مرة غياخذ منها جزء.
وكيتعتبر أكسل مايي من الصفقات اللي كان وقعها الرئيس السابق للرجاء الرياضي عزيز البدراوي، وما قدم اللاعب حتى شي إضافة للفريق ملي جا والاكثر من هذا الشي كلف الفرق ماليا بزاف.