لكول الجزائري غاية مرباح مشى من الرجاء لطنجة بصفة نهائية

حسم اتحاد طنجة ملف الكول الجزائري د الرجاء الرياضي غاية مرباح، وغيلعب معه ابتداء من الموسم الجاي، فصفقة انتقال نهائي بعدما دوز مع 6 أشهر بريطي.
وكشف مصدر مطلع، أن اتحاد طنجة توصلو إلى اتفاق مع الرجاء الرياضي والكول غاية مرباح، كيقضي أن الحارس الجزائري غينتقل من الخضرا إلى اتحاد طنجة بشكل نهائي مقابل 400 مليون سنتيم.
نفس المصدر، وضح أن 400 مليون سنتيم اللي غيعطيها اتحاد طنجة للرجاء مقابل انضمام غاية مرباح للصفوف ديالو، غيقطع منها الفريق الطنجاوي مبلغ 200 مليون، واللي كايتسالوها الطنجاويين للرجاء من صفقة انتقال اللاعب اكسيل مايي من طنجة إلى الخضرا أيام عزيز البدراوي، وهذا الشي حسب ما تم الاتفاق عليه من طرف الفريقين.
وكان غاية مرباح عبر على الرغبة ديالو فالانتقال إلى فريق آخر باش يلعب، حيث الرجاء الرياضي حددوا مع الحارس الأول أنس الزنيتي لمدة 2 مواسم، الشي اللي كايعني أن غاية ما غيلعبش، وراه كان مشى فالميركاتو الشتوي الماضي بريطي لاتحاد طنجة غير باش يلعب، وكان من اللاعبين اللي صوفاو طنجة من النزول إلى القسم الثاني.