عادل رمزي: ماتش غدا ضد الترجي ماشي بحال مباراة المغرب.. لاعبين الوداد واجدين لتحقيق التأهل ويفرحو جمهورنا

اعتبر عادل رمزي مدرب الوداد الرياضي أن ماتش الفريق ضد الترجي التونسي غدا الاربعاء فتيران رادس بتونس، ضم اياب السوبر ليك ماشي بحال ماتش الذهاب فكازا، وأكد ان الفريق الأحمر واجد لهاد المهمة باش يرجع بالتأهل للمغرب.
وتحدث عادل رمزي خلال الندوة الصحافية اللي كتسبق الماتش بين الوداد والترجي وقال: "ماتش كازا هو غير الشوط الاول من مواجهة الترجي والماتش ديال الروتور غيكون مبدل ومختلف وبتفاصيل اخرى، وكل فريق غيبغي يستغل الأوراق اللي عندو".
وأكد عادل رمزي: "المهم عندنا نقدمو مستوى مزيان ونفرحو جمهورنا، وحنا جهزنا اللاعبين بدنيا وذهنيا واخا كيان العيا عند كاع الفرق اللي مشاركة فالبطولة، ولكن اللاعبين خاصهم يتحملو مسؤوليتهم".