أوناجم: طوينا صفحة فضيحة رادس.. اللي فات مات وهدفنا نربحو الترجي بالكورة ونتأهلو لفينال السوبر ليك

أكد محمد أوناجم لاعب الوداد الرياضي ان الفريق طوا صفحة فضيحة رادس واللقب المسروق ضد الترجي التونسي فعصبة الأبطال، والتركيز ديالو دابا على التأهل للفينال ديال السوبر ليك ضد الفريق التونسي.
وتحدث أوناجم فالندوة الصحافية اللي كتسبق ماتش الوداد والترجي فدومي فينال السوبر ليك وقال: "طوينا صفحة فضيحة رادس وملزوم علينا دابا نقدمو عرض اللي يرضي جمهورنا واللي فات ماتش ودابا التيران اللي غيحكم واللي كان مزيان ولعب الكورة هو اللي غيتأهل".
وكمل أوناجم وقال: "عندنا عزيمة وكروب مزيان والهدف ديالنا نتأهلو للفينال، الماتش ما غيكونش ساهل غنحاولو نجيريو المباراة هنا فالمغرب وعلى حساب النتيجة ديالو غنوجدو لماتش الروتور فتونس".
وقال أوناجم : "خاصنا نكونو مركزين 100% باش نربحو ونفرحو هاد الجماهير اللي ديما كتجي تشجع بالأربعاء والثلاثاء والاحد فأي وقت وكيتبعوك فأي مدينة مشيتي وكنتمنى الكروب ديالنا يربح هاد الكاس ونهديوه لجمهورنا والرئيس ديالنا اللي هو سندنا وديما مدعمنا ومحفزنا".