بحال أنابيك بحال الوزارة ديالو... السكوري بدل المسؤولين داير حملة "بونظيف" ومصادر ل"كود": حط مقربين منو فمناصب المسؤولية

أكدات مصادر نقابية ل"كود" أن الوكالة الوطنية لإنعاش الشغل وتشغيل الكفاءات أنابيك، كتعيش على وقع احتقان خايب بسبب التوظيفات الجديدة داخل هياكلها.
مصادر نقابية قالت بلي كاينين شبهات حول تبليص محسوبين على وزير الشغل يونس السكوني، ومعارفو فمناصب المسؤولية.
أطر فهاد أنابيك كيشوفو بلي الوكالة لي معندهاش حتى مدير وكيتحكم فيها الوزير، خصوصا فالوقت اللي كينتظرو فيه مستخدمو الوكالة الوطنية لإنعاش التشغيل والكفاءات أنابيك تسوية ملف القانون الأساسي والتأمين الصحي للوكالة الملفات التي لم تعرف أي تطور لسنين، يصر يونس السكوري على تطبيق أجندته بتعيين قريباته في مناصب المسؤولية داخل الأنابيك رغم عدم توفرهن على الخبرة الضرورية.
فبعد تعيين مستشارتين من ديوان وزارته كمديرات مركزيات بمديريتين جديدتين، مديرية التشغيل بالخارج ومديرية ريادة الأعمال، المستشارتين لم يسبق لهما تسيير مثل هاته الملفات ولم يشغلن مناصب ممثالة. ويتجه الآن إلى تعيين مستشارة من ديوانه في منصب مديرة جهوية رغم عدم توفرها على الشروط اللازمة لشغل هاد المنصب، ولكي يتم ذلك تم فتح باب الترشيح دون الشروط المطلوبة والمعهودة.
بهاد المسطرة تحمل المسؤولية غادي يولي مشرع لمن هب ودب. والتنافس والأهلية هي شعارات وخضرة فوق طعام. وفق ذات المصادر.
مصدر بالوزارة أكد ل"كود" بلي منذ مجيء السكوري للوزارة، كاين تغييرات فجميع المناصب تقريبا، ما خلا حتى مديرية أو وكالة تابعة للوزارة مادارش فيها تغييرات، بدءا بمدير أنابيك لي داز على تعيينو أكثر من عام وحيدو مباشرة فاش خدا الوزير المنصب ديالو، إضافة إلى تغييرات همت مناصب كانت فيها تعيينات وزراء البي جي دي.
وشدد المصدر بلي الوزير السكوري باغي لمسة ديالو فالقطاع داكشي لاش فتح مبارايات كثيرة خصوصا فالوزارة.