سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الهبيل و لا الهبيلة لي ناضت كايقولو ليك "حلّو لينا الحدود نمشيو" ! راه الحدود محلولة، تقدر تمشي لفلسطين و لا نيجيريا و لا ميريكان و لا الدولة لي بغيتي من غدّا ! يا الله توكّل على الله المغرب ماحابس حتى واحد لي قد على شي بلاد ينوض يمشي ليها دابا دابا !
نطالب الدولة بفتح الحدود" هاد المطلب الاحمق كنتي كاتسمعو شحال هادي غا من الفم ديال شي شمكار و لا شي شمكارة شبعان قرقوبي و كايقوليك " حلو لينا الحدود نمشيو فحالنا " ماعرفش شكون قاليهم بلي الدولة سادة الحدود عليهم ! كاتقول ماعليش بنادم ماقاريش هوا هذا ! ولكن المشكلة دابا وليتي كاتسمعو من فم بنادم قاري زعما و بعقلو و هاكاك ماكايحشمش فاش كايوقف فشي مظاهرة و كايقوليك " حلّو لينا الحدود" كيفاش حلو لينا الحدود واش حنا عايشين فكوريا الشمالية ؟ راه الحدود محلولة و من شحال هادي و الناس كاضّل غادة جاية لجميع القارات، المطارات محلولة و الطيارات خدامة، تقدر تمشي لميريكان و لا كندا و لا فلسطين و لا تركيا من غدا لابغيتي! كايبقى السؤال المطروح هوا واش ديك البلاد لي باغي تمشي ليها باغاك ! هذا هوا السؤال المهم ! واش فلسطين و لا فرانسا و لا ميريكان و لا الطاليان باغينك تجي عندهم ؟ حالين ليك البيبان باش تدخل ؟ غايستقبلوك و لا هوما لي سادين عليك ماباغينكش تجي عندهم ! "حلو لينا الحدود" ! الجملة لي كايتخبّى موراها اي واحد ماعندوش الأواني النحاسية باش يقود ! يمشي لديك البلاد لي باغي يمشي ليها، يدير شي حاجة ... شي خطوة حقيقية ! فحال كبّور فاش كايقول للشعبيبة " ماتشدينيش ماتشدينيش" و هوا اصلا ماشادّو تاواحد غا ماقادش على المضاربة.
