الركراكي: ها الاجواء فالمنتخب فالكوت ديفوار وها المهم فماتش سيراليون.. التيران اللي كيحكم ماشي الترشيحات وباغيين نعيشو مع المغاربة اجواء المونديال

اكد الناخب الوطني وليد الركراكي ان الاجواء فالمنتخب الوطني المغربي زوينة بزاف فالكوت ديفوار وكيوجدو مزيان لكوب دافريك، وأنهم باغيين يعيشو المغاربة فرحة مونديال 2022.
وتحدث الناخب الوطني وليد الركراكي فتصريح للموقع الرسمي ديال جامعة الكورة وقال: "مزيان ملي جينا بكري لهنا، كنا غنلعبو مع گامبيا ولكن فيها خير والماتش اللي ملعبناش عطانا أيام زايدة جينا فيها للكوت ديفوار، هنا كاينة الحرارة ولكن الجامعة موفرة لنا الظروف سوا من ناحية لوطيل او تيرانات التداريب وحنا مرتاحين، والمهم فماتش سيراليون هو ما توعت لنا حتى واحد ورتبنا عدد من الحوايج وخاصنا نولفو على الجو واخا الطقس صعيب، وبالنسبة للضغط حنا عارفينو مزيان وكنتعايشو معه".
وكمل الركراكي وقال: "ورانا جمهور كبير وخاصنا نرضيوه والحضرة دابا على شكون غيدي لاكوب والمرشح ما عندها قيمة والتيران اللي كيفكم، وكنشكرو المغاربة على التشجيع ديالهم وحنا حاسين بمساندتهم لنا وباغيين نعيشو معهم نفس اجواء مونديال قطر".