اكد الناخب الوطني وليد الركراكي انه كيتحمل مسؤولية الاقصاء من ثمن نهائي كوب دافريك وهو المسؤول فهاد الإخفاق. وقال وليد الركراكي فتصريح لقناة الرياضية: "سمحولينا كنا باغيين نفرحوكم، كنا مقلقين حنا واللاعبين وكانوا دي ديطاي خلاونا نتقصاو وانا المسؤول الاول وديما كنقولها، ملي كيكون الرباح اللاعبين هما اللي ربحو، وفالخسران انا المسؤؤل على الاختيارات والاستراتيجية اللي ماوصلاتناش لداكشي اللي بغينا". وكمل الركراكي: "مشينا للكوت ديفوار 10 ايام قبل اول ماتش، باش نولفو على الجو والرطوبة والحرارة الطالعين فسان بيدرو، وما كاينش شي عذر حيث التحضيرات اللي كان خاصنا نديرو درناها، لعبنا ماتش أميكال وتأهلنا حنا الاولين وحتى ماتش جنوب افريقيا كان كلشي غادي مزيان، وما كناش كنظنو اننا غنتقصاو مع جنوب إفريقيا، والجامعة دارت اللي عليها وكثر باش نكونو فالمستوى ديالنا".
