جبران ل گود: غنديرو اللي فجهدنا باش نربحو گلاكسي فبوتسوانا ونحافظو على حظوظ الوداد

أكد يحيى جبران كابيتان الوداد الرياضي، ان الاجواء فالفريق مزيانة وهما شادين الطريق لبوتسوانا يلعبو مع گلاكسي البوتسواني ضمن الجولة 5 من دور مجموعات دوري أبطال أفريقيا، وغيديرو اللي فجهدهم باش يربحو ويحافظو على حظوظه فالتأهل لربع النهائي.
وتحدث يحيى جبران فتصريح لميكرو "گود" فمطار محمد الخامس بالدار البيضاء، وهو والوداد كيوجدو ياخدو الطيارة لبوتسوانا وقال: "كنتأسفو حيث ما بقاش اللعب بين يدينا، ودابا خاصنا نتسناو سيمبا التنزاني يخسرو، ونتمناو تكون شي نتيجة فصالحنا وحنا مطالبين باش نربحو هذا الماتش ونحافظو على الحظوظ ديالنا فالتأهل".
وكمل يحيى جبران وقال: "غنديرو اللي فجهدنا باش نربحو كلاكسي، النتائج ما كانتش فصالحنا فالماتشات الاخيرة وكنحاولو نخرجو من هاد سوء النتائج فأقرب وقت والأجواء داخل الفريق زوينة وكلشي كا يتنبأ بمستقبل احسن وكانتمناو النتائج تخدمنا فالماتشات الجايين باش كلشي يرجع مزيان".