‎‫كود" تكشف علاقة المشاهير برمضان . وزير الشبيبة والرياضة محم اوزين: كنترمضن وهدية أول صيام طاجين بقوامو وما عزيزش علي لعراضة فرمضان عزيز علي نفطر بعصير ليمون وحسوة إيلان

آش نا هي ذكرياتك مع رمضان يعني أول مرة صمتي فيه والهدية اللي خديتي ؟
‎أول مرة صمت كنت في السنة الأولى الابتدائي، فرحات بي العائلة بزاف. ذاك يوم ماشي عادي، حيث الوضع ديالي مختلف تربيت في الرباط أن وحيد درنا وكان لصيامي طعم خاص، ماكنعقلش على هدية شراوها. ولكن في الطبلة ديال الأكل حطو ليا حلوة " ميلفاي " أو" هنريس " داك زرق أو حمراء زائد بيضة ديال بيبي‫.‬
‎أجمل شيء في داك نهار هو أن الوليدة كنعقل وجدات ليا واحد طجين بالقوام ديالو.


‎واش كملت النهار أولا كنت كتخيط بين نص نهار أو نهار لي تابعو ؟
‎كانت عندي عشر سنين وك خيطت فيه شيحاجة، راه المهم هو التشجيع على الصوم.
‎
‎واش سبق ليكك ترمضنتي على شي واحد خلال شهر الصيام؟
‎
أكيد ( ضاحكا ). دابزت أنا أو المدام على نقطة خاوية أنا ترمضنت عليها أو هي ترمضنات علي. ومن بعد الفطور تصالحنا أو دازت الأمور بخير‫.‬ بحال كل العائلات وصافي
‎ فاش كدوز الوقت باش تجيب لفطور، وبعد وجبة الإفطار آش كدير؟
‎أن ماشي من المعذبون في الأرض خلال شهر رمضان، حيث كاين الاستعداد النفسي أو أنا أعتبره فترة نقاهة، للذات والروح شريطة التوازن في الغداء، أو غالبا كنتاجه للرياضة.

‎شناهوما الشهيوات لي كتبغيهم يكونوا حاضرين في مائدة الإفطار؟
‎أنا ما كنكلش بزاف في رمضان،أحسن حاجة كتعجبني العصير ديال البرتقال تمر أو الحريرة غير شوية، أو حسوة إيلان بزاف. وأتجنب العراضة في رمضان حيث عندي واحد الحمية خاصة كنخاف ناكل بزاف.