البرنامج الفضيحة. دخول سياسي باين عيان بزاف: شباط ولشكر وبنعبد الله والشوباني: الشوهة والمزايدات الخاوية والعمق زيرو. شباط والاستقلال اللي خرج على المغرب سنوات كيزايد حتى هو

شوهة كبيرة تتحمل القناة الثانية وجامع كولحسن مسؤولية فيها. برنامج "مباشرة معكم" الذي بث يوم امس الاربعاء. شارك فيه شباط ولشكر والشوباني وبنعبد الله بالاضافة الى الصحافي يونس دافقير.

اش تخرج من هاد البرنامج؟ شكلا كيتكلمو لغة ماشي ديال المغاربة. لغة متعالية وحتى الربورطاجات اللي دارت القناة فيها هاد التعالي. هذا يعني ان البرنامج موجه الى فئة قليلة تضم اعضاء الاحزاب السياسية وطبقة المتعلمين وتستثني غالبية المغاربة. كما ان ادارة الحوار كانت ضعيفة غير اللي بغى يهدر يهدر، المنشط كيتفرج ما كيدخلش كيخلي الحلقة تولي بحال حملة انتخابية كل واحد عندو دقايق ديالو كيكول اللي بغى ويسكت

على مستوى المضمون، كان لكلام خاوي كل واحد غادي يدوز ميساجو ويمشي. الحكومة ماكانت قوية ولكن المعارضة كانت مشاركتها كارثية. مرة اخرى يظهر شباط ضعفه وشعبيوته وافتقاده الى الحديث بالدليل وبالمعطيات. لشكر حتى هو دخل في مزايدات وكان ممكن يعطي اكثر لو تكلم عن العمق. بخلاصة ما كاينة لا حكومة ولا معارضة ولا اعلام عمومي كلشي خاصو ثورة حقيقية كلي خاصو يتبدل


رابط الفيديو1

رابط الفيديو 2