سكوب. من الخيمة خرج مايل. ها اصل الفضيحة فسهرة دجينيفر لوبيز. المخرج ديال السهرة جابتو معاه وحيد "موازين" ومحى "ليروش". ها علاش سهرة لوبيز دارت فضيجة باش نقلاتها "دوزيم"

علمت "كود" ان اخراج سهرة دجينيفر لوبيز في افتتاح مهرحان موازين" ما تكلفش بها مخرج خشبة السويسي اللي من الشركة اللي ربحات المارشي. حسب مصدر "كود" فان المخرج اللي جابتو لوبيز معاها من مريكان جمع المصورين اللي صورو السهرة وطلب منهم طبيعة المشاهد اللي خاصهم ياخدوها. حسب مصدر "كود" فانه اعتمد على مشاهد مقربة وابتعد عن المشاهد العرضية وعليه فان اسم "مغرب الثقافات" و"موازين" ما بانوش فهاديك السهرة الا فمناسبات قليلة.
حسب مصدر "كود" فبعد السهرة اشرف المخرج على المونتاج وكانت السهرة التي نقلتها "دوزيم" اما المشاهد المصورة التي لم يتم استغلالها وهي كثيرة فقد اشرف المخرج بنفسه٬ يضيف مصدر "كود" على تخريبها ومحوها.
دابا هاد الشي كيطرح بزافت المشاكل. اولا "دوزيم" ما عندها غير السهرة للي بثاتها واخا شرات الحقوق وثانيا المخرج اللي مكلف حيدوه وجابو ديالهم وثالثها ليروش اللي من حق المنظمين والقناة محاوهم والاخطر ان التركيز على لقطات مقربة سمح للمخرج باخذ تسجيل السهرة ويقدر يديرهم فبلاصة اخرى ولا يبيعهم حقاش ما بايناش المغرب وووو
تصرف المخرج الامريكي هو اللي نوض الصداع باش تبتات السهرة ف"دوزيم". السيد ما عارفتش ثقافة لبلاد همو غير مصالحو وباش كان النقل وقع الاحتجاج خصوصا من المحافظين والقضية دابا امام الهاكا بعد ما تقدم رئيس الحكومة بشكاية في الموضوع
وفي علاقة بمارشي النقل التلفزي٬ علمت "كود" ان شركة فرنسية طلب منها باطرونها بباريس اما تجيب لمارشيات ولا غادي يسدها فلجأت هذه السنة الى تقديم عرض ما قدر عليه حد وربحات التصوير. حسب تقني يعمل معهم ل"كود" فانه باستثناء السويسي ما جابوش معدات واعرين بزاف كما انهم خدمو مع ناس اللي ماشي كلهم بالضرورة حرايفية