الخلفي يقول ان ما بثته "دوزيم" مرفوض وغير مقبول وراه مليون و200 الف مغربي شاف الحفل وايلى كانت عندك الشجاعة انتاقد الماجيدي مول العرس وراه ولي العهد والأميرة سلمى

دجينيفر لوبيز خرجات فوزير الاتصال الناطق الرسمي باسم الحكومة. السيد اللي منع بدون مبرر قانوني وبشكل تعسفي فيلم "الزين اللي فيك" لنبيل عيوش حصل مزيان مع سهرة دجينيفر لوبيز ديال "موازين" اللي بثتها "دوزيم" ليلة امس الجمعة. الخلفي كتب تغريدة يرد على منتقديه ان بث دوزيم للسهرة "مرفوض وغير مقبول وانتهاك صريح لدفاتر التحملات.
الخلفي اختار الخيط لقصير واتهم دوزيم، علاش حقاش ما يقدرش على منير الماجيدي مدير الكتابة الخاصة للملك وما يقدرش حتى يجبدو على فمو، ونسى باللي الحفل كيفما نقلت صحف الكترونية حضرته لالة سلمى وولي العهد مولاي الحسن، اكثر من ذلك فحفل "دوزيم" تابعه مليون و200 الف مغربي
الخلفي خاصو يعرف ان المنع والرفض فكر فاشيستي مرفوض وغير مقبول، ما عندو حق لا يمنع الفيلم ديال عيوش ولا يهاجم دوزيم على حساب سهرة دجينيفر لوبيز