فضايح الفوسفاط. فيومين خسرو على ندوة ما صالحة لوالو شي 6 مليون دولار ومشارك ل"كود": ما فهمناش علاش جينا وعلاش خسرو كاع هاد لفلوس

"الحوار الاطلسي" ندوة ينظمنها كل سنة المجمع الشريف للفوسفاط بالمغرب. كيجمع ماشي عشرات بل المئات من المشاركين في ندوة حول "الاطلسي" وماشي ضروري يكون المشاركين من سكان هاد البحر. كيعرضو على كلشي من افريقيا واسيا. من امريكا واوربا وحتى استراليا وامريكا اللاتينية.
الندوة الاخيرة احتضنتها مراكش قبل ايام. حسب مصدر "كود" "غادي يتخسر فيها ما بين 5 و6 مليون دولار". حقاش كلشي اللي عرضو عليه "جابوه بيزنس كلاس ومن بعد اختارو من اغلى فنادق مراكش "فور سيزون".
ها الفخامة ولعراضة لكثيرة فاجئات ناس كثار. مجلة كندية متخصصة كانت تحدثت بالاضافة الى ارباح الفوسفاط لحالة مراكش واحيائها الفقيرة. يعني بزاف بحالو غادين يديرو صورة مغرب بنفق بدون حساب ومغرب فقير.
لفضايح ماشي غير هادي بل جابو شي طلبة فهاد المستوى يعني درجة ممتازة فالطائرة وفندق غالي لدرجة ان احدهم من اوربا التقته "كود" تساءل "هاد الندوة ما عندها معنى وحتى خسران لفلوس لكثيرة ما عندو معنى".
علاش هاد التخربيق كلو حقاش صحاب الفوسفاط وما عرفناش علاش خداو واحد الشركة ما فيدهاش فامريكا باش تنظم ليهم كلشي واسمها "دجيرمان مارشال فوند" "كون غير كيحترامو المغرب ويجيبو "كارينجي" و"بروكلين".