الوزير الفعفاع مشى بعيد بزاف بزاف: بنكيران جبان وخواف ووكيل الاخوان المسلمين بالمغرب =كود تنشر كلمة مزوار حرفيا=

عاد صلاح الدين مزوار،الوزير الفعفاع ورئيس حزب التجمع الوطني للأحرار لمهاجمة رئيس الحكومة عبد الإله ابن كيران الأمين العام لحزب العدالة والتنمية الذي يقود الحكومة،وبدا مزوار الذي كان يتحدث مساء اليوم السبت في لقاء تواصلي نظمته شبيبة حزب الحمامة =واخا هاد التنظيم ما كاينش كاع = بالمركب الثقافي مولاي رشيد تحت شعار « الشبيبة الان ... # مامفاكينش »،وكأنه يخوض حربا بالوكالة ضد رئاسة الحكومة مشددا على أن حزب « التجمع ماشي ملحقة حتى لشي حزب »، في إشارة لحزب الأصالة والمعاصرة الذي يقود المعارضة.
واستعاد مزوار جزء من خطابه الأخير في المجلس الوطني للحزب بالصخيرات وحاول أن يظهر لشبيبة حزبه أنه شخص « سوبرمان » وطفق في توجيه مدفعيته الثقيلة صوب ابن كيران دون ان يسميه ناعتا إياه ب « وكيل الإخوان المسلمين »، وبأنه شخص يفضل الإختباء وتوجيه رسائل سياسية عبر صحف ومواقع إلكترونية بدل المجابهة الفعلية. اي جبان وخواف. كلمات استعملها.
وقد أوضح مزوار أمام الحاضرين في اللقاء الشبابي أنه وعلى عكس ما يروج له رئيس الحكومة في لقاء جمعه مؤخرا بعدد من الصحافيين في بيته بالرباط، بكون مزوار اتصل به وأكد له حديثه خلال المجلس الوطني تم تأويله وتحريفه عن سياقه، فقد نفى مزوار اليوم وبشدة أمام شبيبة حزبه اتصاله بابن كيران للاعتذار وزاد قائلا « حتى حد منا ماتصل بابن كيران..حتى واحد من الوزراء والقياديين ديالنا ما اتصل بيه »، مضيفا أن ابن كيران يفضل أن يمرر خطاباته عبر الصحف والمواقع الالكترونية كأي جبان و « خواف » بدل المجابهة المباشرة.
وتنشر "كود" كلمة مزوار حرفيا
عراب الإخوان المسلمين والناطق الرسمي ديالهم ألي وصفنا بجميع الأوصاف في الأجندة ديالو التي باعها... ولش فخباركن أنه اباع الأجندة ديالو (يقصد ابن كيران )..راه كاين ألي فخبارو وألي مافخباروش يبلغ صاحبو.
أنا أحييه وأقول ليه زيد.. لقد استمرت الهجومات والقراءات.. لا لشيء سوى لأن الحزب التجمع الذي عنده أربعون سنة دار شي حاجة ألي مالف كيديرها مجلس وطني تقييم المرحلة قراءة ديالنا.. لكن كنظن داكشي دخل على بزاف ديال الناس لأن كلام الحقيقة يظر داخليا وخارجيا..
الجرأة السياسية في بعض المحطات السياسية تتتطلب من المسؤول السياسي بأن يقول داك اشي ألي خصو يقولو..مشات المحاولات إلى مستوى أنه بغاو يدخلو البلبلة داخل الحزب
ها الوزراء مشاو تشكاو من رئيس الحزب بحال إيلا شي دراري صغار ماشي نساء ورجال ديال الدولة مشاو تخلعو مما قاله رئيسهم ومشاو عند رئيس الحكومة ليقولو له حنا ممتافقينش مع داك آشي ألي گال مزوار..شوف فين مشات القراءات
هناك من قال غن بعض القباديين عير متفقين والناس ديال المجلس الوطني داخو هاد ىسي قالو مزوار حنا مابقينا فاهمين والو
لاوجود لمسافة بين رئيس الحزب وقيادييه ومنتخبين لتزكية كلام غير ديالهم وشي واحد قال ليهم يقولوه ومزوار بوحدو مشا قالو والمكتب السياسي داخو والقياديين
اذن كانت محاولة لشق صفوف الحزب. مخبيين عبر الجرائد والموتقع اعتبره قمة ديال الجبن والخوف وأقول لهم إيلا كانت عندكم الشجاعة خرجو وغادي تشوفو هاد الشباب والأطر ديال الحزب آش غادي تدير ليكم
بغيتو تهجمو على موزار وغاااا هجمو وغير ضربو .. شفتو هاد اللحم قصاح .. لكن حذاري من المس بالمسائل الوطنية ومن المس بالديبلوماسية لأنه مس بالدولة
أن تنتقديني كفاعل سياسي وكمسؤول سياسي شد على عرامك.. لكن باش تتضرب الدولة وتضرب مؤسسات الدولة وتضرب الوطن عبر الديبلوماسية المغربية هادة منسمح بيه حتى لواحد..لذلك شوية ديال الشجاعة والجرأة والموضوعية راه هاد لبلاد راه عندها قرورن تاريخ أمجاد تواجه تحديات كبيرة..مزوار كاين اليوم غدا ميغكونش لكن المؤسسات خصها تبقا.. وحدة الوطنية خصها تبقى ومصداقية البلاد خصها تبقى. »
اتمنى أن يفهم البعض خصوصا أن دوك ألي كتبو مساكن