كيفاش تزكلات طائرة جات لفاس من التفجير. وشوفو فرنسا اللي حيدات سروال الففعاع كيفاش ما حاضياش قزيبتها وقريبة تهز مرة اخرى. متطرف خبير في المتفجرات عندو الاقامة الجبرية ووصل حتى لفاس باش= ها اللي جاب معاه فالطيارة بالصور==

حصلت "كود" على معطيات جديدة بخصوص ما نشرته ظهر يومه الاثنين بخصوص "ذئب فرنسي منفرد" بمطار فاس سايس. حسب معطيات من المطار نفسه ل"كود" فان الامر يتعلق ببروستاي مانويل بيير انجيلو الملقب بابراهيم.
هذا العسكري وفق ما علمته "كود" خبير في المتفجرات بالجيش الفرنسي٬ غير ان هذا الاخير لاحظ عليه "تطرفه وراديكاليته" فتم طرده. وحسب مصدر "كود" فان الاجهزة الامنية ظلت تلاحقه. بعد احداث 13 نونبر 2015 الارهابية بباريس وبموجب حالة الطوارئ قرر وزير الداخلية فرض الاقامة الاجبارية على ابراهيم. الامور حتى لهنا عادية وما فيها مشكل. المشكل غادي يجي من بعد. الاقامة الاجبارية تفرض على كل شخص فرضت عليه التقدم الى السلطات الفرنسية بشكل متكرر في اليوم. حسب خطورة الجرم.
بحال هادا يقدر حتى 4 المرات في اليوم٫ لكن السي ابراهيم اللي ساكن فمدينة انجي الفرنسية٬ البارح انتقل الى مدينة نانت ومنها شد طيارة وجا لفاس. دابا كيفاش هاد السيد دخل لمطار وهو عندو اقامة اجبارية. ماشي غير هاد الشي. السيد جايب معاه كل ما يحتاجه لتفجير طائرة. باش قلباتو السلطات المغربية فالمطار لقاو عندو بوطة عامرة حتى لنص وسيف كبير وماس كثار وفيزور وبزافت لحوايج.
دابا هاد فرنسا اللي شدات الوزير الفعفاع وحيدات ليه سروالو وسباطو وقلباتو وهانتو ما قدراتش تمنع شخص مسجل خطير. دابا كان بامكانو يفجر الطائرة كلها بداك الشي اللي عندو. هاد الشي كيبين باللي فرنسا ممكن تضرب فاي لحظة وهاد الشي خطير بزاف بزاف