الوردي وزير كلاص. ما عندوش مع الشخصيات المهمة جدا وباغي يبقى مواطن يأكل الطعام ويمشي في الاسواق

الحسين الوردي وزير الصحة ضريف ومتواضع وما باغي صداع من عند حد. الوزير اللي كاين فالداخلة لحضور منتدى كرانس مونتانا وترأس عصر يومه السبت لقاء حول "الصحة العمومية: اهتمامات الجميع" ما عندوش مع "في اي بي". باش وصل ما مشى لا القاعة الشرفية اللي كان فيها وزير الداخلية ورئيس البوسنة وبقى يتسنى الباكاج وكان حداه رشيد بلمختار وزير التعليم. بعدها فالجلسة الافتتاحية للمنتدى امس الجمعة جلس فالصفوف الاخيرة بعيدا عن الاضواء.
وقت لغذا ما بغاش كيف عاينت "كود" ذلك٬ يجلس فالمربع المخصص للضيوف المهين جدا بل ما بغاش حتى شي حد يعطيه بلاصة. بقى يدور بطبسيلو حتى لقى بلاصة وربح بعيد على كلشي.
الوردي ما بغاش يعطي تصريحات ما بغاش يركب على الحدث كيف كيديرو شي وزراء