عباس العزوزي باطرون قناة "ميدي 1 تيفي" اللي جابو سيدو منير الماجيدي الكاتب الخاص للملك كيستعد باش يمشي بحالو حيتاش شوه القناة وساء ليها بزاف منذ توليه المسؤولية على رأسها وحتى النقابة ديال موخاريق الاتحاد المغربي للشغل تقلب عليها ووعدها بجلسات حوار لكن غير الخاوي فالخاوي. قناة "ميدي 1 تيفي" عرفت منذ تولي العزوزي المسؤولية على رأسها فضائح بالجملة وكان كايقول مع راسو انا حاميني السيد اللي جابنا وكولشي عارف هادشي.. العزوزي انهار صدرات المحكمة التجارية قرار قضائي يقضي بوقف بث مسلسل "ألف ليلة وليلة" تحدا كولشي وأصر على نقابة الاتحاد المغربي للشغل صدرتا مؤخرا بلاغ هاجم فيها العزوزي وقالت أنها أمهلته مدة زمنية تقدر ب3 أشهر للحسم في نقاط شديدة البساطة، لكنه تضيف "أظهر عجزا واضحا عن حلها، على بساطتها، وأصر على اجترار المشاكل ولاسيما تلك المتمثلة في قلة الموارد البشرية وضعف إمكانيات العمل، مع ما يترتب على ذلك من عشوائية وسوء تنظيم، فضلاً عن الاختلالات التي شابت عملية القسيم السنوي. كول هادشي وزيد وزيد خاص المحاسبة ماشي غير يمشي العزوزي بحالو وصافي.. مصادر "كود" أكدت أن العزوزي يعيش أيامه الأخيرة داخل القناة.. وحسب مصادر عليمة ل"كود" فان جهات في الدولة اغضبها مزايدته عليها ومحاولته ابتزازها عبر تصريح كذب فيه خبر طرده ل"لكم". الموقع طلع قافز جاب تصريح والعزوزي طلع ما فاهم فالمخزن
