عاجل. التجمع طلعو للجبل لبنكيران وباينة عندهم مهمة يوقفو البيضة فالطاس لرئيس الحكومة. بغاو يشاركو فالحكومة ولكن بشروط تعجيزية: قراو تعرفو: بغاو يبدلو البي جي دي وبنكيران كاع

اذا كان حزب التجمع الوطني للاحرار قد حسم في مؤتمره الوطني الاستثنائي يوم 29 اكتوبر المقبل فان قضية المشاركة في الحكومة من عدمها لم يتم الحسم فيها. مصدر "كود" قال ان هناك نقاش مستفيض بخصوص هذه النقطة. هناك توجه للمشاركة لكن بشروط مقعدة للغاية وفق معطيات حصلت عليها "كود".
اولا اكدوا ان قرار المشاركة خاصو يدوز على المجلس الوطني اي انه خاص مؤتمر ويجي رئيس جديد اللي هو عزيز اخنوش ومن بعد يتعقد مجلس وطني ويحسم فهاد النقطة. بنكيران المعين من قبل الملك خاصو يتسنى على الاقل حتى 29. المشكلة ماشي هاد التسنية لكن الاخطر هو الشروط باش يدخلو.
حسب مصدر "كود" فان من بين الشروط ماشي "غير البرنامج الحكومي" و"الاولويات" اللا كاين امور سياسية "رئيس الحكومة ما خاصوش يبقى فنفس الوقت امين عام لحزب العدالة والتنمية" ماشي ممنوع يجمعهم ولكن غير الخطاب يختلف بالمرة. رئيس الحكومة ما يبقاش يدير خطاب المعارضة. المواقف السياسية خاصها قناة وحدة بين مكونات الاغلبية بالاضافة الى شروط اخرى.
طبعا هاد الشروط هي رفض مبطن للعرض الحكومي. يبدو ان الاحرار اسندت له مهمة اخرى وبدا كينفد فيها. طبعا هاد الشي اثبت ديما عدم نجاعته. استقلالية العمل الحزبي هي اللي كتقوي المناعة فالبلاد ماشي التعليمات