قيادي اتحادي ل"كود": الله يعز إلياس كيحتارم النواب وكيقدرهم وحنا عندنا جينرال جا كيعطي الاوامر ديالو وما عندوش حتى فريق وما حضرش حتى كاس اتاي

نايضة عند الاتحاديين. هذا ما اكده قيادي اتحادي بخصوص اجتماع برلمانيي الحزب يوم بعد بمناسبة افتتاح السنة التشريعية. مصدر "كود" قال ان الاجتماع "كانت فيه الروينة" والسبب "الطريقة المدلة التي تم التعامل فيها مع البرلمانيين".
المصدر قال ل"كود" "واش البي جي دي عندو 125 واستقبلهم وتعامل معاهم بادب والياس العماري دار اكثر من اللازم ودار لقاء فالحزب وفسر ليهم الحياة اللي كيعيشوها ودورهم وحنا وكلشي جابو ليهم كيران واحتراموهم وحنا راسلين لينا ميساج فالتلفونات وما كالوش لينا حتى الوقت. باش جينا ما حطتش لينا كاس داتاي والو حشومة بزاف".
القيادي قال ل"كود" "الله يعز الياس وصافي. واش هادا هو الاتحاد. جا جينرال اسمه ادريس لشكر. جا يعطي التعليمات وخرج فحالو" من التعليمات التي اعطاها يقول مصدر "كود" "ان لحبيب المالكي غادي يترشح لرئاسة مجلس النواب والشطايبي هو منسق الفريق".
مصدر "كود" قال ان المشكل ماشي فالاعتراض علي هاد الشي ولكن فالمسطرة. خاص المكتب السياسي على الاقل او اللجنة التنفيذية اللي تاخد هاد القرارات".
بخصوص المشاركة في الحكومة قال المصدر ل"كود" "واش حنا عندنا فريق حتى نفكرو فالحكومة وثانيا راه كلشي بيد الجينرال وداير ما بغى".