زيان امين عام الحزب المغربي الليبرالي للملك: محيطك باغي الفتنة وموقع محسوب على مقرب منك باغي يدير الفتنة فالبلاد وادعوك الى حل البرلمان والاحزاب

محمد زيان امين عام الحزب المغربي الليبرالي وبعد تصريحه القوي في مسيرة تضامنية مع مول الحوت وهاجم فيها عزيز اخنوش رئيس التجمع الوطني للاحرار واستغرب ارسال الملك محمد السادس لرسالة تهنئة له بمناسبة انتخابه رئيسا للحزب بالتزامن مع مأساة الحسيمة اللي تطحن فيها المواطن محسن فكري فكاميو الزبل٬ بعد داك التصريح خرج بفيديو اكثر جرأة نشره في صفحة حزبه على الفايسبوك. زيان خاطب الملك محمد السادس ودعاه الى التخلص من محيطه واتهمهم باثارة الفتنة في البلاد. واعطى مثالا على ذلك بموقع الكتروني "يحسب على مقربين من صاحب الجلالة واصدقائه كتب "صاحب الجلالة يوجد في عطلة خاصة" يوم المسيرة الخضراء وقال زيان "واش بغاو الفتنة فالمغرب" كيفاش كيكولو هاد الشي
واضاف "هادي عقد وحنا كنشككو فمحيط صاحب الجلالة اللي باغي يخلق الفتنة باغي يجيب الاعداء. كيفاش تقولو صاحب الجلالة في عطلة خاصة وتبث ان صاحب الجلالة ماشي فعطلة".
ودعا زيان الملك الى حل البرلمان والاحزاب السياسية بالاضافة الى عدم الثقة في محيط حقاش هاد المحيط هو اللي داير هاد الفتن اللي فالمغرب وفق ما يراه المحامي زيان
وخاطب زيان محيط الملك بالقول "يمكرون ويمكر الله والله خير الماكرين"